14.05.2024 | 23:46
Դեսպան Կարապետյանը Մոլդովայի ԱԳՆ պետքարտուղարի հետ քննարկել է երկկողմ հարաբերությունները
Մենք պատվաստանյութի ձեռքբերման պրոցեսից հետ չենք մնա՞․ Փաշինյանը՝ Թորոսյանին. ՏԵՍԱՆՅՈՒԹ
26.11.2020 | 11:47
«Պետք է արձանագրել, որ կովիդի հետ կապված զարգացումներն աշխարհում ընթանում են մոտավորապես այն տրամաբանությամբ, ինչ տրամաբանությամբ որ մենք կանխատեսում էինք: Մի շարք երկրներում նույն վերջնարդյունքն է լինելու: Մի ժամանակ Հայաստանը 100 հազար բնակչի թվով աշխարհում ամենաբարձր վարակելիության ցուցանիշն էր ցույց տալիս, բայց ըստ վիճակագրության՝ այս ցուցանիշը դառնում է փոխանցիկ… Հույս ունեմ, որ մենք կորոնավիրուսի պիկը հաղթահարել ենք»,- այս մասին կառավարության նիստում ասաց վարչապետ Նիկոլ Փաշինյանը:
Դիմելով առողջապահության նախարար Արսեն Թորոսյանին վարչապետը նշեց. «Պատվաստանյութի ձեռքբերման աշխատանքները չենք դադարեցրել, ճի՞շտ է, և արդեն ունենք որոշակի պայմանավորվածություններ»:
Առողջապահության նախարարն արձագանքեց, որ արդեն կանխավճարներ են տրամադրվել միջազգային հավաքական գնումների մի պլատֆորմի, որից օգտվում են աշխարհի 180 երկրներ: «Կարող ենք ձեռք բերել, օրինակ, ռուսական կամ ամերիկյան պրոդուկտը, որ պրոդուկտը կլինի արագ և էֆեկտիվ, որոշելիքը մեր կլինի, թե որը ձեռք բերենք»:
«Մենք պատվաստանյութի ձեռքբերման պրոցեսից հետ չե՞նք մնա»,- հետաքրքրվեց վարչապետը: Նախարարը վստահեցրեց. «Ո՛չ: Մենք աշխարհին համընթաց գնում ենք»:
Մանրամասները՝ տեսանյութում:
