17.09.2026 | 17:10
Նարեկ Կարապետյանի հետ ինձ ծանոթացրել է իմ լավ ընկեր Էդմոն Մարուքյանը․ Հովակիմյան․ ՏԵՍԱՆՅՈՒԹ
Մեկ օրում 1382 փախստական է Հայաստանից ԼՂ վերադարձել․ Կոնաշենկով
Քաղաքականություն
20.11.2020 | 17:24
Մեկ օրում Հայաստանի Լեռնային Ղարաբաղ 1382 փախստական է վերադարձել ռուս խաղաղապահների ուղեկցությամբ։ Այս մասին այսօր կայացած ճեպազրույցի ժամանակ հայտարարել է ՌԴ ՊՆ գեներալ-մայոր Իգոր Կոնաշենկովը։
«2020 թվականի նոյեմբերի 19-ին ռուս խաղաղապահների հսկողության ներքո ՀՀ տարածքից Լեռնային Ղարաբաղ է վերադարձել 1382 փախստական»,- նշել է Կոնաշենկովը։
ՌԴ ռազմական գերատեսչության ներկայացուցչի խոսքով՝ նոյեմբերի 14-ից ռուս խաղաղապահների կողմից ապահովվել է ավելի քան 4400 փախստականի վերադարձ Լեռնային Ղարաբաղ։
Կոնաշենկովը պարզաբանել է, որ խաղաղապահներն առավելագույն աջակցություն են ցույց տալիս տեղի իշխանություններին՝ խաղաղ կյանքի վերականգնման համար։ Նա նաև հայտնել է, որ ՌԴ Զինված ուժերի ինժեներական ստորաբաժանումներն օգնում են Ղարաբաղի խաղաղ բնակիչներին՝ վերականգնել ռազմական գործողությունների արդյունքում վնասված քաղաքացիական ենթակառուցվածքները։
Տաթև Ֆռանգյան
