16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կոռուպցիոն, մաֆիոզ կապերով կաշկանդված պաշտոնյաները չեն կարող զբաղվել կարևոր աշխատանքներով․Բաբաջանյան. ՏԵՍԱՆՅՈՒԹ
Քաղաքականություն
19.11.2020 | 12:24
Ազգային ժողովում քննարկվում է Զինվորական ծառայության և զինծառայողի կարգավիճակի մասին օրենքում փոփոխություն կատարելու մասին հարցը:
Անկախ պատգամավոր Արման Բաբաջանյանը նկատեց՝ ունենք կաթվածահար եղած կառավարման համակարգ և չենք կարող այսպիսի ռեժիմով ակնկալել արդյունավետ լուծումներ:
«Կարծում եմ, որ պաշտպանական գերատեսչությունը, որն ամենամեծ մեղսակցությունն ունի տեղի ունեցածի մեջ, չի կարող այս կազմով ձեռնամուխ լինել այդ աշխատանքին: ՊՆ-ն, ԱԳՆ-ն և Անվտանգության խորհուրդը պետք է հետևություններ անեն տեղի ունեցածից: Պատասխանատու մարմինները պիտի ժամ առաջ խիզախություն ունենան և լքեն իրենց պաշտոնները և թույլ տան, որ առողջ, նվիրյալ մարդիկ լծվեն աշխատանքի: Չեն կարող կլանային, կոռուպցիոն, մաֆիոզ կապերով կաշկանդված մարդիկ զբաղվել այս կարևորագույն աշխատանքով»:
Բաբաջանյանը, անդրադառնալով Մարտակերտի 6 գյուղերի հայաթափմանը, նշեց, որ բազմաթիվ հարցեր են կուտակվել, սակայն պատասխան տվող չկա. «Որովհետև պետություն չկա: Իշխող ֆրակցիան պետք է թափ տա իրեն, և միայն 24-ժամյա աշխատանքով կարող ենք դա անել»:
Մանրամասները՝ տեսանյութում:
