23.11.2024 | 14:29
ՆԱՏՕ-ի ղեկավար Մարկ Ռյուտեն բանակցություններ է վարել Դոնալդ Թրամփի հետ
Հայկ Սարգսյանը՝ զինված խմբեր ձևավորելու մասին. ՏԵՍԱՆՅՈՒԹ
Քաղաքականություն
17.11.2020 | 13:10
Իմ գործընկեր, ԲՀԿ խմբակցության պատգամավոր Արթուր Մանուկյանը՝ Գագիկ Ծառուկյանի փեսան, և Գագիկ Ծառուկյանի մյուս փեսան՝ Կարապետ Գուլոյանը՝ Աբովյանի նախկին քաղաքապետ, թանկարժեք մեքենաներով համարները հանած, գիշերը գալիս են կառավարության շենք: Այս մասին այսօր ԱԺ-ում լրագրողների հետ զրույցում նշեց «Իմ քայլը» խմբակցության պատգամավոր Հայկ Սարգսյանը:
«Ըստ վկաների պնդման, նաև իրենց հետ բերում են մեծ թվով անձանց, որոնք ներսում կատարում են անհարիր, քրեորեն հետապնդելի, վատ արարքներ: Ես որոշ հոլովակներում նրանց նկատել եմ: Իհարկե, այդտեղ Գագիկ Ծառուկյանի երկու փեսաները որևէ բան չեն ջարդում, բայց ակնհայտ է, որ կազմակերպչական աշխատանքներ են տանում: Ես Գագիկ Ծառուկյանի մյուս փեսային չեմ ճանաչում, բայց իմ գործընկեր Արթուր Մանուկյանին ճանաչում եմ, և անկեղծ ասած իրենից չէի սպասում: Շատ լավ հարաբերություններ եմ ունեցել նրա հետ»,- ասաց Հայկ Սարգսյանը:
«Ստեփանակերտում ունենք բազմաթիվ կոտրված պատուհաններ դպրոցներում, մանկապարտեզներում, հիվանդանոցներում, և ես շատ կցանկանայի, որ այդ կազմակերպված խումբը, ինչպես կազմակերպված եկավ ու պտուհաններ ջարդեց կառավարության շենքում, նույն ձև կազմակերպված գնա Արցախ և փորձի այնտեղ պատուհաններ վերականգնել, որպեսզի մեր երեխաները մանկապարտեզներում, դպրոցներում, հիվանդանոցներում կամ իրենց տներում չմրսեն:
Մենք բոլորս պետք է լծվենք մի գործի, որպեսզի արցախցիներն իրենց ապահով զգան, որ մեր երախենրը չմրսեն: Չի կարելի Երևանում մտնել կառավարության շենք, ԱԺ-ի շենք, կոտրել պատուհաններ և առնվազն չխոչընդոտել նման գործունեությանը»,- ասաց պատգամավորը:
Մանրամասները՝ տեսանյութում:
