02.08.2026 | 17:11
Սևանա լճի հանրային լողափերից մեկում կորած երեխան հայտնաբերվել է
Սեպտեմբերի 28-29-ին Ձեզ արվել է առաջարկ՝ անհապաղ դադարեցնել ռազմական գործողությունները․ հրաժարվել եք. Շաքե Իսայան. ՏԵՍԱՆՅՈՒԹ
Քաղաքականություն
17.11.2020 | 10:46
«Ինչ պետք է՝ այն էլ բանակցում ենք»։ ԱԺ ամբիոնից վարչապետի այս խոսքերը հիշեցրեց ԲՀԿ խմբակցության պատգամավոր Շաքե Իսայանը:
«Վստահեցնում էիք, որ բանակցությունները սկսել եք Ձեր սեփական զրոյական կետից, իսկ երբ պատերազմը մեզ փաստի առաջ կանգնեցրեց, պարզվեց, որ մենք՝ բոլորս, ժողովուրդը, զինվորը, սպան, հրամանատարը, կամավորները, քաղաքական ուժերը դավաճան ու մեղավոր են, բացի Ձեզանից»,- նշեց Շաքե Իսայանը՝ վարչապետին մեղադրելով պատերազմի առաջին օրերին ամեն ինչի մասին խոսելու, բայց բուն թեմայից չխոսելու համար։
Պատգամավորի խոսքով՝ վարչապետը գեթ մեկ անգամ չի խոսել, որ սեպտեմբերի 28-29-ին առաջարկ է արվել անհապաղ դադարեցնել ռազմական գործողությունները, եւ ըստ համաձայնության քննարկել ռուս խաղաղապահների հնարավոր տեղակայումը, ինչից նա հրաժարավել է։
«Հիմա ես ուզում եմ իմանալ՝ սեպտեմբերի 29-ից հետո անհետ կորած, զոհված, վիրավորում ստացած մեր զինվորների, ռազմագերիների ծնողների աչքերին ինչպե՞ս եք նայելու, ի՞նչ եք պատասխանելու նրանց հարցերին, ինչպե՞ս եք բացատրելու, որ այդ ամենն արել եք միայն ձեր իշխանությունը երկարաձգելու համար»,- ասաց պատգամվորը:
Նա նաև ընդգծեց. «Պպատմական ինչ փուլ էլ որ լինի, Նիկոլ Փաշինյանը իրավունք չունի ներկայացել հայ ժողովրդին»։
Մանրամասները՝ տեսանյութում:
