29.04.2026 | 13:58
Թրամփը հայտարարել է, որ Իրանը «ռազմական պարտություն է կրել»
«Մոտ 40 հազար մարդ այս տարի դիմել է աշխատանքային միգրացիայի». Ռուբեն Եգանյանի պնդմամբ՝ կա բացասական մնացորդի աճ
Հասարակություն
29.12.2017 | 16:10
«Ամեն տարի մեզ մոտ աշխատանքային միգրացիայով պայմանավորված կուտակվում է բացասական մնացորդ՝ 15-20 հազար մարդ: Այս մարդիկ գնում են աշխատելու և չեն վերադառնում»,- այս մասին այսօր լրագրողների հետ հանդիպմանն ասաց ժողովրդագետ Ռուբեն Եգանյանը. «Աշխատանքային միգրացիոն հոսքը բաղկացած է երեք ոչ համազոր բաղադրամասերից՝ առաջինը սեզոնային աշխատանքային միգրանտներն են, որոնց թիվը բավականին աճել է: Հաջորդը կարճաժամկետ, ոչ սեզոնային միգրացիոն հոսքերն են: Եվ վերջինը՝ տևական աշխատանքով պայմանավորված հոսքերն են, որոնց հետևանքով ունենում ենք բացասական մնացորդ»:
Եգանյանը տեղեկացրեց՝ այս տարվա վեց ամիսների կտրվածքով, աշխատանքային միգրացիայով պայմանավորված, ունեինք արտերկրում բնակվող 200 հազար հայրենակից: Ժողովրդագետի պնդմամբ՝ թվերը բավականին մտահոգիչ են. «Նախորդ տարվա համեմատ ունենք բացասական մնացորդի աճ՝ այս տարվա հետազոտության տվյալներով մոտ 40 հազար մարդ դիմել է աշխատանքային միգրացիայի»:
Լիլիթ Շաբոյան
