Հասարակություն
08.01.2018 | 15:352018 թվականին Հայաստանի ներքաղաքական կյանքի թերևս ամենակարևոր հարցն այն է, թե ով կստանձնի վարչապետի պաշտոնը:
Փոփոխված Սահմանադրության համաձայն՝ գործադիր իշխանության բարձրագույն մարմինն այլևս կհամարվի Կառավարությունը և այդպիսով՝ երկրի գլխավոր դերակատարը կդառնա վարչապետը:
Այս ընթացքում վարչապետի թեկնածուների տարբեր անուններ են շրջանառվում: Եվ չնայած դեռևս 2014 թ.-ին Սերժ Սարգսյանը հայտարարել էր, որ ինքը չի հավակնի այդ պաշտոնին, արդեն իսկ հանրապետականները հայտարարում են, որ Սերժ Սարգսյանն անփոխարինելի է, իսկ վերջինս էլ՝ այլևս չի ասում, որ չի հավակնելու վարչապետի պաշտոնին:
Այս հարցին շատ զգուշավոր է պատասխանում նաև գործող վարչապետ Կարեն Կարապետյանը: Ուշագրավ է, որ վարչապետի հավանական թեկնածուների շարքում չի շրջանառվում որևէ ընդդիմադիր թեկնածուի անուն:
Իսկ թե վարչապետի պաշտոնում ում են տեսնում շարքային քաղաքացիները, փորձել ենք պարզել քաղաքացիներից:
Մանրամասները՝ տեսանյութում:
Լիլիթ Շաբոյան
