18.11.2024 | 23:30
Ռուսաստանի հավաքականը հնարավոր է չմասնակցի առաջիկա ԱԱ-ին
Թուրքական հատուկ նշանակության էլիտար ջոկատը մարտական գործողությունների վերջին օրը փախուստի է դիմել Մարտունիից․ WarGonzo
Քաղաքականություն
16.11.2020 | 16:01
Թուրքական հատուկ նշանակության «Komando» էլիտար ջոկատը մարտական գործողությունների վերջին օրը փախուստի է դիմել Արցախի Մարտունիից: Այս մասին հայտնում է WarGonzo նախագծի թելեգրամյան ալիքը։
Հրապարակման հեղինակները նշել են, որ իրենց ձեռքի տակ են հայտնվել լուսանկարներ, որոնք արվել են Արցախի Պաշտպանության բանակի մարտիկների կողմից Մարտունու ճակատում: Հենց այս ուղղությամբ էլ Ադրբեջանի զինված ուժերը սկսեցին նահանջել՝ իրենց բոլոր ուժերը տեղափոխելով դեպի Շուշի:
«Բնականաբար, ադրբեջանական զինուժը կորուստներով նահանջեց: Այսպես՝ սպանված սպաներից մեկի մոտ համարակալված մարտական դանակ է հայտնաբերվել՝ հատուկ պատվերով թողարկված դանակների խմբաքանակից, որը պատվիրվել էր թուրքական «ռեյնջերների» էլիտար ստորաբաժանման համար: Այս հայտնաբերումը անուղղակիորեն ցույց է տալիս, որ Մարտունու մոտ նահանջողների մեջ կային նաև Անկարայի կողմից Արցախ ուղարկված «Komando» հատուկ նշանակության ջոկատի մարտիկներ»,- ասված WarGonzo-ի հրապարակման մեջ։
Նշվում է, որ այս ամենի ֆոնին Էրդողանի կողմից Ադրբեջան թուրք զինվորականներ ուղարկելու նախագծի՝ խորհրդարան ներկայացնելը ոչ այլ ինչ է, քան ֆարս, քանի որ թուրքական զինուժը ի սկզբանե ակտիվ մասնակցություն է ունեցել հակամարտությանը:
Տաթև Ֆռանգյան
