20.12.2025 | 15:32
Աբովյանում 4 մեքենա է բախվել. կան տուժածներ
Շոյգուն Թուրքիայի պաշտպանության նախարարի հետ ԼՂ հարցն է քննարկել
Քաղաքականություն
11.11.2020 | 00:46
ՌԴ պաշտպանության նախարար Սերգեյ Շոյգուն Թուրքիայի պաշտոնակից Հուլուսի Աքարի հետ քննարկել է Լեռնային Ղարաբաղում տիրող իրավիճակը։ Այս մասին հայտնում են ՌԴ ՊՆ-ից։
«Ռուսաստանի և Թուրքիայի պաշտպանական գերատեսչությունների ղեկավարները քննարկել են Լեռնային Ղարաբաղի հակամարտության կարգավորման հարցը, մտքեր են փոխանակել Սիրիայում իրադրության կայունացման հետ կապված»,- ասվում է հաղորդագրությունում, գրում է ՏԱՍՍ-ը։
Հիշեցնենք՝ երեկ ուշ երեկոյան Ռուսաստանի, Հայաստանի ու Ադրբեջանի ղեկավարները Լեռնային Ղարաբաղում հրադադարի վերաբերյալ համատեղ հայտարարությամբ են հանդես եկել։ Համաձայն այդ հայտարարության՝ Լեռնային Ղարաբաղում լիակատար հրադադարը սկսվում է նոյեմբերի 10-ից, Հայաստանն ու Ադրբեջանը մնում են իրենց զբաղեցրած դիրքերում, ինչպես նաև սկսվում է ռազմագերիների փոխանակում։ Լեռնային Ղարաբաղում տեղակայվում են ռուս խաղաղապահներ։
