10.08.2026 | 11:19
Արամ Վարդևանյանին ԱԺ փոխնախագահ ընտրելու քվեարկությունը սկսվեց. ՈՒՂԻՂ
Զարեհ Սինանյանի մոտ կորոնավիրուս է հաստատվել, այդ պատճառով ներկա չէ բյուջեի քննարկմանը․ Երեմ Սիմոնյան. ՏԵՍԱՆՅՈՒԹ
Հասարակություն
09.11.2020 | 17:17
Սփյուռքի գործերի գլխավոր հանձնակատար Զարեհ Սինանյանի մոտ կորոնավիրուս է հաստատվել: Այս մասին Հայաստանի Ազգային ժողովում Ֆինանսավարկային և բյուջետային, ինչպես նաև առողջապահական և սոցիալական հարցերի մշտական հանձնաժողովների համատեղ նիստին ասաց ՀՀ վարչապետին առընթեր Սփյուռքի հարցերով գլխավոր հանձնակատարի գրասենյակի աշխատակազմի ղեկավարի տեղակալ Երեմ Սիմոնյանը:
«Զարեհ Սինանյանը և գրասենյակի ղեկավար Սառա Անճարղոլյանը վարակվել են կորոնավիրուսով և այդ պատճառով չեն կարողացել գալ խորհրդարան և ներկա չեն բյուջեի քննարկմանը»,- ասաց Սիմոնյանը:
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական խորհրդարանական հանձնաժողովի նախագահ Մխիթար Հայրապետյանն իր դժգոհությունը հայտնեց նման պահվածքի կապակցությամբ` ասելով, որ այդ մասին անհրաժեշտ էր տեղեկացնել գոնե մեկ օր առաջ և հույս հայտնեց, որ նման բան այլևս չի կրկնվի:
Մանրամասները՝ տեսանյութում:
