Քաղաքականություն
05.11.2020 | 15:44
Վիեննայում ահաբեկչություններից հետո ձերբակալվել է 14 մարդ։ Այս մասին հայտարարել է Ավստրիայի ՆԳ նախարար Կառլ Նեհամմերը, գրում է DW-ի ռուսական ծառայությունը։
Բոլոր ձերբակալվածները 18-28 տարեկան են, ներգաղթյալներ: Նրանց մի մասն Ավստրիայի քաղաքացիներ չեն։ Հետաքննություն է տարվում՝ պարզելու համար՝ արդյո՞ք նրանք կապ ունեն ահաբեկչական խմբավորումների հետ։ Վիեննայի ոստիկանության ղեկավար Գերհարդ Պյուրստլը հավելել է, որ ձերբակալվածների մեջ կան երկքաղաքացիությամբ անձինք, այդ թվում՝ Ռուսաստանից, Թուրքիայից, Բանգլադեշից ու Հյուսիսային Մակեդոնիայից ներգաղթյալներ։
Հիշեցնենք, որ նոյեմբերի 2-ին Վիեննայում ահաբեկչության զոհ է դարձել 4 մարդ, ևս 23-ը վիրավորվել է։ Նրանց մի մասի վիճակը գնահատվում է ծանր։
Տաթև Ֆռանգյան
