17.09.2026 | 20:48
«Հայփոստի» թափանցիկության խնդիրը․ տնօրենի 3.6 մլն դրամ վարձատրություն և չբացահայտվող տվյալներ
ԱՀԿ-ն ստացել է կազմակերպությունից ԱՄՆ դուրս գալու մասին փաստաթղթերը
Քաղաքականություն
02.11.2020 | 15:28
Առողջապահության համաշխարհային կազմակերպության (ԱՀԿ) քարտուղարությունը ստացել է կազմակերպությունից ԱՄՆ-ի դուրս գալու մասին փաստաթղթերը, հայտնել է ՄԱԿ-ի օպերատիվ գործունեության հարցերով և ՌԴ ԱԳՆ միջազգային զարգացմանն աջակցության վարչության պետ Գրիգորի Ուստինովը, հաղորդում է ՌԻԱ Նովոստին:
«Ամերիկայի Միացյալ Նահանգները հայտարարել է ԱՀԿ-ից դուրս գալու մասին, անհրաժեշտ է պահպանել որոշակի գործընթաց։ Այնուամենայնիվ, այդ մասին հայտարարվել է, և ԱՀԿ քարտուղարությունը ստացել է համապատասխան փաստաթղթերը»,- հայտարարել է Ոսւտինովը։
Հիշեցնենք՝ ԱՄՆ նախագահ Դոնալդ Թրամփը հուլիսի սկզբին Կոնգրես էր ուղարկել ԱՀԿ-ից երկրի դուրս գալու մասին պաշտոնական ծանուցագիր: Թրամփն ավելի վաղ հայտարարել էր, թե երկիրը դադարեցնում է հարաբերությունները ԱՀԿ-ի հետ, քանի որ կազմակերպությունը «հրաժարվել է կատարել անհրաժեշտ բարեփոխումները»: ԱՄՆ-ն «այդ միջոցները կուղղի ամբողջ աշխարհում առողջապահական հրատապ կարիքներին»,- ասել էր նա:
Թրամփը նաև ԱՀԿ-ին մեղադրել էր ի շահ Չինաստանի կորոնավիրուսային համաճարակի իրական մասշտաբները քողարկելու մեջ: Պետքարտուղարությունը հայտարարել էր, որ ԱՄՆ-ն ԱՀԿ-ից կհեռանա 2021-ի հուլիսին։
Տաթև Ֆռանգյան
