18.11.2024 | 20:38
Նախագահ Վահագն Խաչատուրյանը շնորհավորական ուղերձ է հղել Մարոկկոյի թագավոր Մուհամմադ Վեցերորդին
Այս օրերին Շուշի-Բերձոր հատվածը կտրելու 2-3 փորձ է եղել, որոնք տապալվել են, բայց վտանգը մեծ է. Արծրուն Հովհաննիսյան. ՏԵՍԱՆՅՈՒԹ
Քաղաքականություն
30.10.2020 | 16:08
Factor.am-ի հարցազրույցը Պաշտպանության նախարարության ներկայացուցիչ Արծրուն Հովհաննիսյանի հետ:
-Շուշիի մասին Արցախի նախագահի հայտարարությունը սոցցանցերում տարբեր մեկնաբանությունների արժանացավ: Շուշին ռազմավարական առումով ինչպիսի՞ նշանակություն ունի, գիտենք, որ այդքան էլ հեշտ չէ Շուշիին տիրանալը:
-Շուշիի ռազմական նշանակությունը շատ մեծ է: Եթե անգամ որպես բնակավայր այդքան մեծ նշանակություն չունենա, նույնիսկ զուտ գաղափարական, արժեքային և քարոզչական նշանակությունը մեծ է: Շուշին Ստեփանակերտ տանող ճանապարհին վերահսկող դիրք ունի: Հետևաբար իրենք էլ են փորձում դա անել: Սա չեմ ասում, որ ամփոփիչ, էյֆորիկ տրամադրություններ ունենանք, բայց ասեմ, որ դեպի Շուշի ձգտող ստորաբաժանումներից շատերը ջախջախված են: Բայց ասել, որ հակառակորդը նորից չի փորձելու, ուժ չի կուտակելու և այլ ելքեր չի փնտրելու՝ թեկուզ շրջանցող, դա այդպես չէ: Վերջին 10 օրվա ընթացքում Շուշի-Բերձոր ճանապարհի հատվածը կտրելու 2-3 փորձ է եղել, որոնք տապալվել են, մեր ստորաբաժանումներին հաջողվել է թեկուզ անտառներում, նեղ ձորակներում, բարձունքներում հետ մղել դիվերսանտներին՝ մեծ կորուստներ պատճառելով, բայց հակառակորդը թույլ չէ, մեծ ներուժ ունի, փոքրաթիվ չէ և գիտենք՝ ահաբեկչական և ոչ ահաբեկչական կազմակերպությունների օգնությունը շատ մեծ է:
-Վտանգավորության ինչպիսի՞ աստիճան է պահպանվում Շուշիի հարակից գյուղերի հատվածում:
-Մեծ է վտանգը: Այս պահին էլ կարող է իրավիճակ փոխվել, օրինակ՝ Չանախչի գյուղի ուղղությամբ մարտեր են ընթանում, կարող է ընթացքը փոխվել, բայց վտանգը փոքր չէ:
Ռոբերտ Անանյան:
