01.04.2026 | 23:05
Էրդողանն Իսրայելին մեղադրել է Իրանի դեմ պատերազմի համար
Սուտ են բոլոր այն լուրերը, թե սահմանում զենք ու սնունդ չկա. չհավատաք ոչ ոքի. Դավիթ Սանասարյան
Հասարակություն
27.10.2020 | 16:47
ՊՎԾ լիազորությունները կասեցված պետ Դավիթ Սանասարյանը ֆեյսբուքի իր էջում գրել է.
«Սուտ են բոլոր այն լուրերը, թե սահմանում զենք ու սնունդ չկա. չհավատաք ոչ ոքի։ Բայց դա չի նշանակում, որ նյութատեխնիկական ապահովման կարիք չկա։
Պատերազմը երկար է տևելու, միայն այն պատճառով, որ մենք հանձնվելու ու զիջելու տրամադրություն ու իրավունք չունենք։ Ավելին, եթե կլինի մեկը, ով ֆեյսբուքից դուրս կգա ու կգնա առաջնագիծ, կկանգնի էդ որձերի առաջ ու կհարցնի, թե ինչ կարծիք ունեն զիջելու մասին, վստահեցնում եմ, որ լավագույն դեպքում քարերով կլարեն էդ տարածքից։
Ուստի խելքներս գլուխներս հավաքելու ժամանակ դեռ ունենք։ Մեր բոլոր տնտեսումները, պլանավորած գնումները պետք է հետաձգենք ու մեր ողջ ունեցածը պետք է ուղղենք Սարդարապատն ամուր պահելու ու հաղթանակի համար։
Զինվեք համբերությամբ, հաղթնակը մերն է լինելու»:
