Քաղաքականություն
21.12.2017 | 14:36Ընդդիմությունը կանոնակարգի խախտմամբ է ընդմիջումներ վերցնում: Այսօր խորհրդարանում լրագրողների հետ զրույցում ասաց ՀՀԿ խմբակցության պատգամավոր Գալուստ Սահակյանն՝ անդրադառնալով «Ելք»-ի կողմից յուրաքանչյուր քվեարկությունից առաջ 20 րոպե ընդմիջում վերցնելու փաստին՝ նկատելով. «Ազգային ժողովի նախագահն իրավունք ունի դա չհաշվի, կարող է էնպես անել, որ առաջ չգնան: Եթե այս օրենքը չանցնի ի՞նչ է, ժողովուրդն ավելի լա՞վ է ապրելու»:
Ազգային ժողովի նախկին նախագահը կոչ արեց ընդդիմությանն իր տեղը ցույց տալ:
Factor.am-ի հարցին՝ այսինքն Արա Բաբլոյանը թո՞ւյլ է նիստը նախագահելու առումով. «Չեմ կարծում, որ թույլ է: Մտածում է այդկերպ գնա, ես իմ տեսակետն եմ ասում: Վերջին հաշվով սա Ազգային ժողով է, և այստեղ, բացի օրենսդրությունը, կա նաև տրադիցիա։ Դրանք խրթին բաներ են, որոնք Ազգային ժողովին չեն վերաբերում ու չի կարելի նման խնդիրների մեջ մտնել։ Ընդդիմությանը պետք է ցույց տալ իր տեղը»:
Մանրամասները՝ տեսանյութում:
