17.09.2026 | 20:13
Փաշինյանն ընդունել է Բրազիլի դեսպանին
Ուսանողից մինչև թոշակառու․ Բելառուսում համընդհանուր գործադուլ է
Քաղաքականություն
27.10.2020 | 10:59
Բելառուսում պատրաստվում են համազգային գործադուլի երկրորդ օրվան, որը հայտարարվել էր հոկտեմբերի 26-ին, այն բանից հետո, ինչ ավարտվեց ընդդիմադիր քաղաքական գործիչ Սվետլանա Տիխանովսկայայի կողմից Ալեքսանդր Լուկաշենկոյին հայտարարված «ժողովրդական վերջնաժամկետը», գրում է BBC-ի ռուսական ծառայությունը։
Բողոքի ցույցին են միացել բուհերի ուսանողները, տասնյակ մասնավոր ընկերությունների ու մի շարք գործարանների աշխատողներ։ Որոշ խանութներ փակվել են «տեխնիկական խնդիրների» պատճառով, բազմաթիվ աշխատակիցներ իրենց հաշվին արձակուրդ են վերցրել։
Որոշ ձեռնարկություններում գործադուլավորներին սպառնում են հեռացնել աշխատանքից։ Սրա հետ մեկտեղ, երկրի իշխանությունները պնդում են, որ բոլոր գործարաններն աշխատում են սովորականի նման։
Մինսկի կենտրոնում ուսանողներն ու թոշակառուները զանգվածային բողոքի ակցիա են կազմակերպել։ Իրավապաշտպանների հաշվարկով՝ ավելի քան 300 մարդ է ձերբակալվել։
Տաթև Ֆռանգյան
