05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Սպիտակ տունը Երևանին և Բաքվին շնորհավորել է հրադադարի մասին համաձայնություն ձեռք բերելու առիթով
Քաղաքականություն
26.10.2020 | 01:24
ԱՄՆ վարչակազմը Հայաստանի և Ադրբեջանի իշխանություններին շնորհավորել է մարդասիրական հրադադարի մասին համաձայնության հասնելու առիթով։ ՏԱՍՍ-ի փոխանցմամբ՝ այս մասին հայտարարել է ԱՄՆ նախագահի ազգային անվտանգության հարցերով օգնական Ռոբերտ Օ՛Բրայանը։
Նա հիշեցրել է, որ շաբաթ Վաշինգտոնում հանդիպումներ է անցկացրել Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի, ինչպես նաև հեռախոսազրույցներ ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։
«Կողմերին շնորհավորում եմ այսօր կրակի դադարեցման մասին համաձայնություն ձեռք բերելու առիթով։ Դա կօգնի երկու կողմից էլ կյանքեր փրկել»,- ասել է նա։
Օ՛Բրայանի խոսքով՝ բանակցություններում կարևոր դեր են ունեցել ԱՄՆ պետքարտուղար Մայք Պոմպեոն և նրա առաջին տեղակալ Սթիվեն Բիգենը։
Հիշեցնենք, որ ձեռք բերված պայմանավորվածության համաձայն՝ հրադադարն ուժի մեջ է մտնելու հոկտեմբերի 26-ին տեղական ժամանակով 08:00-ից։ Իսկ հոկտեմբերի 29-ին Հայաստանի և Ադրբեջանի ԱԳՆ ղեկավարները հանդիպելու են Ժնևում։
