01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ադրբեջանում արգելվել է զոհված ու վիրավոր զինածառայողների մասին տեղեկությունների տարածումը
Քաղաքականություն
23.10.2020 | 16:55
Ադրբեջանի պաշտպանության նախարարությունը հայտարարություն է տարածել, որով մի շարք հրապարակումների արգելք է սահմանվում։ Մասնավորապես, արգելվում է առաջնագիծ տեղափոխվող զինված ուժերի կամ զինտեխնիկայի շարժի մասին որևէ տեղեկատվության տարածումը։
Չի կարելի տարածել նաև զինծառայողների, նրանց՝ այս կամ այն հատուկ շրջան այցելության, ինչպես նաև ավիացիայի մասին տեղեկատվություն։ Բացի այդ, արգելվում է զինվորական կորուստների՝ զոհերի ու վիրավորների մասին տեղեկատվության տարածել։
Նշենք, որ ադրբեջանական կողմը պաշտոնապես ոչինչ չի հայտնում սեպտեմբերի 27-ից իր իսկ սանձազերծած ռազմական գործողությունների ընթացքում մինչ օրս արձանագրված կորուստների մասին։
Էմմա Չոբանյան
