18.12.2025 | 17:28
Ժամերգություն Մայր Աթոռում․ ՈՒՂԻՂ
Իրանը սերտ ու լուրջ կապի մեջ է ԼՂ հակամարտության կողմերի հետ․ Քազեմ Ջալալի
Քաղաքականություն
23.10.2020 | 11:48
Թեհրանն ուշադրությամբ հետևում է Լեռնային Ղարաբաղում ռազմական գործողությունների ընթացքին ու չի հանդուրժի իր սահմաններին կամ իր տարածքում ագրեսիա։ Այս մասին ՌԻԱ Նովոստիին տված հարցազրույցում ասել է ՌԴ-ում Իրանի դեսպան Քազեմ Ջալալին։
«Մեր երկրի սահմանամերձ շրջաններում ակտիվությունը լրջորեն ու ուշադրությամբ հսկվում է Իրանի Իսլամական Հանրապետության կողմից, և անընդունելի համարելով տարածաշրջանում հակամարտող կողմերից որևէ մեկի ագրեսիան մեր երկրի տարածքում՝ լրջորեն նախազգուշացնում ենք նրանց անհրաժեշտ նախազգուշական միջոցառումների մասին»,- ասել է Ջալալին։
Դեսպանն ընդգծել է, որ Իրանը «սերտ ու լուրջ կապի մեջ է կողմերի հետ»։
«Իրանի Իսլամական Հանրապետությունը ոչ մի կերպ չի հանդուրժի իր սահմաններին և իր տարածքում ագրեսիան: Ադրբեջանի և Հայաստանի միջև վերջերս տեղի ունեցած իրադարձությունների ժամանակ մենք երկու կողմերին էլ հայտարարել ենք, որ յուրաքանչյուր ոք, ով չի հետևի այս սկզբունքին, ամբողջությամբ կմերժվի»,- ընդգծել է դիվանագետը։
Նրա խոսքով՝ Իրանը «պաշտպանական որոշ ոլորտներում հասել է ինքնաբավության և անգամ ունի փորձագիտական հնարավորություններ»։
«Եվ եթե անհրաժեշտության զգանք, ապա անպայման անհրաժեշտ քայլեր կձեռնարկվեն»,- եզրափակել է դեսպանը։
Տաթև Ֆռանգյան
