17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
ՀՀ ի և Ադրբեջանի արտգործնախարարների հանդիպում Վաշինգտոնում նախատեսված չէ․ ՀՀ գլխավոր հյուպատոս
Տեսանյութեր
22.10.2020 | 12:57
ԵԱՀԿ Մինսկի խմբի համանախագահները՝ Ռուսաստանը, ԱՄՆ-ը և Ֆրանսիան ընդհանուր դիրքորոշում ունեն և միակարծիք են, որ պետք է մարդասիրական հրադադարը հաստատվի, պետք է խաղաղության հաստատման և հակամարտության կարգավորման լուծումներ գտնել: Այս մասին այսօր հրավիրված ասուլիսում ասաց Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը:
«Ուրբաթ օրը՝ հոկտեմբերի 23-ին, ՀՀ արտգործնախարար Զոհրաբ Մնացականյանը Վաշինգտոնում հանդիպելու է ԱՄՆ պետքարտուղար Պոմպեոյի հետ: Այդ ժամանակ Վաշինգտոնում է գտնվելու նաև Ադրբեջանի արտգործնախարարը, սակայն նրա հետ ընդհանուր հանդիպում նախատեսված չէ»,- ասաց Բայբուրդյանը:
Նրա խոսքով՝ Պոմպեոն հույս է հայտնել, որ գուցե հնարավոր լինի նոր զինադադար հաստատել այս հանդիպումների արդյունքում:
«Ամերիկյան քաղաքականությունը և աջակցությունը Ռուսաստանի և Ֆրանսիայի խաղաղարար ջանքերին՝ հրադադարը իրականացնելու և հրադադարի մեխանիզմները հաստատելու ուղղությամբ, չափազանց կարևոր են: ԱՄՆ-ը կարևորագույն դերակատարություն ունի, տեսնում ենք դրական տեղաշարժեր, բայց ուզում ենք, որ դրանք ամբողջությամբ իրացվեն և դրական արդյունքներ արձանագրվեն ընդհանուր ջանքերով:
Դրա անհրաժեշտությունը պայմանավորված է նրանով, որ սա օրական պատերազմ չէ, սա մեր խաղաղասեր հայ ժողովրդին պարտադրված պատերազմ է՝ նպատակ ունենալով բնաջնջել հայ ժողովրդին»,- նշեց ՀՀ գլխավոր հյուպատոսը:
Մանրամասները՝ տեսանյութում:
