Թշնամին անարգել է Ռուսաստանի կերպարը․ մոսկովյան այսօրվա հանդիպումը գալիս է սա «շտկելու»․ Հայկ Մարտիրոսյան. ՏԵՍԱՆՅՈՒԹ

Factor.am-ի հարցազրույցը քաղաքագետ Հայկ Մարտիրոսյանի հետ

-Վաղ առավոտյան Երևանում հայտնի դարձավ, որ Հայաստանի արտաքին գործերի նախարար Զոհրաբ Մնացականյանը գիշերն աշխատանքային այց է կատարել Մոսկվա։ ԱԳՆ-ից տեղեկացնում են, որ օրակարգում ԼՂ հակամարտության գոտում իրավիճակն է և կրակի դադարեցման վերաբերյալ պայմանավորվածությունների կյանքի կոչման հարցը։ Քիչ առաջ հայտնի դարձավ, որ Մոսկվա է մեկնում նաև Ադրբեջանի արտգործնախարարը։ Պարո՛ն Մարտիրոսյան, կարո՞ղ ենք իրական սպասելիքներ ունենալ այս այցերից։

-Ես կարծում եմ, որ մոսկովյան այսօրվա հանդիպումները գալիս են «շտկելու» այն իրավիճակը, որ ստեղծվել էր նախորդ մոսկովյան հանդիպումների արդյունքում։ Ըստ էության, Ռուսաստանի միջնորդությունը թշնամի կողմը չհարգեց և դրանով անարգանք հասցրեց Ռուսաստանի կերպարին, իմիջին և պրեստիժին։ Այս անգամ Ռուսաստանը փորձում է որպես միջնորդ ավելի առարկայական արդյունքի հասնել իր համար և կարծում եմ՝ այդ պատճառով են կողմերն այցելել Մոսկվա։ Կլինի՞ դա, թե չի լինի, ամեն բան կախված է նրանից, թե ինչպիսի հարաբերություններ են հիմա Անկարայի և Մոսկվայի միջև այս հատվածում և ինչպիսի որոշում կընդունի Անկարան։ Եթե բան է փոխվել նախկինի համեմատ․․․ կարող է փոխված լինել, որովհետև հակառակ պարագայում չէր լինի այս հանդիպումը։ Միգուցե որոշ ժամկետով գործող հրադադար հաստատվի կամ մի այլ բան հաստատվի։ Անկեղծ ասած, չեմ ուզում մտածել, թե ինչ կարող է հաստատվել։

Մանրամասները՝ տեսանյութում:

Ռոբերտ Անանյան