15.07.2026 | 22:00
Հայաստանը COP17-ի հարթակը դիտարկում է միջազգային համագործակցությունն ամրապնդելու հնարավորություն
Միջազգային կառույցներում քաղաքական շահերը գերակայել են մարդու իրավունքներին․ Անի Սամսոնյան. ՏԵՍԱՆՅՈՒԹ
Քաղաքականություն
19.10.2020 | 18:05
Արցախի անկախության ճանաչումը միշտ խնդիր է եղել այն առումով, որ բանակցային ձևաչափը չփլվի։ Բայց այս իրավիճակում այդ խնդիրը դուրս է գալիս։ Ադրբեջանը փորձում է բանակցային ձևաչափը փոփոխել, և այս իրավիճակում մենք կարող ենք ճանաչել Արցախի անկախությունը։ Այդ մասին այսօր Factor TV-ին ասաց «Լուսավոր Հայաստան» խմբակցության պատգամավոր Անի Սամսոնյանը։
Իսկ հարցին, թե պատգամավորն ի՞նչ գործընթաց է սպասում միջազգային կառույցներից այն խնդրի կապակցությամբ, որ ռազմաճակատում հայ զինծառայողների խոշտանգման դեպքեր են եղել և որոնք փաստերով՝ տեսանյութերի և լուսանկարների միջոցով հայկական կողմն ունի՝ պատգամավորը նշեց․ «Միջազգային կառույցները, որոնց հետ համագործակցում է Հայաստանը, պետք է հստակ գործողություններ ձեռնարկեն։ Հիմա ականատես ենք մարդասիրական մեծ աղետի, որի համար Թուրքիան և Ադրբեջանը ջանք չեն խնայում։ Եվ այս կազմակերպությունների լռությունն առաջին հերթին վնասում է իրենց հեղինակությանը։Խտրականություն դնել մարդու իրավունքների և հումանիտար հարցերի մեջ՝ անթույլատրելի է»։
Սամսոնյանը շեշտեց՝ այդ կառույցները պետք է արթնանան, զբաղվեն նաև փաստահավաքությամբ, որպեսզի ավելի օբյեկտիվ լինեն իրենց գնահատականների մեջ և ներկայացնեն այն, ինչ կատարվում է պատերազմի ընթացքում։
Մանրամասները՝ տեսանյութում:
Մերի Մարտիրոսյան
