10.08.2026 | 19:24
20 հազարից ավելի խախտում՝ մեկ շաբաթում․ պարեկային ծառայության արդյունքները
Մենք տեսնում ենք սպանող լռություն. ակցիա ՄԱԿ-ի գրասենյակի մոտ. ՏԵՍԱՆՅՈՒԹ
Հասարակություն
19.10.2020 | 13:42
ՄԱԿ-ը և միջազգային մյուս կազմակերպությունները տեսնում են, թե այսօր ինչ է կատարվում Արցախում ու լռում են։ Այս մասին բարձրաձայնում են ի պաշտպանություն Արցախի դեպի ՄԱԿ-ի հայաստանյան գրասենյակ քայլերթ իրականացնող քաղաքացիները:
«Ամսի 27-ից սկսած՝ տարբեր փաստեր ու ապացույցներ են ուղարկվում միջազգային հանրությանը, այդ թվում՝ ԵՄ-ին, ՄԱԿ-ին՝ նկարագրելով իրավիճակն ու այն կորուստները, որոնք հայկական կողմը կրում է թուրք-ադրբեջանական ագրեսիայի հետևանքով։ Սակայն մենք չենք տեսնում բավարար արձագանք։ Տեսնում ենք չեզոքություն, տեսնում ենք, որ այստեղի կառույցների ներկայացուցիչները ակտիվություն չեն դրսևորում և չեն հավաքում փաստերը։ Ըստ էության՝ պատճառներից մեկը դա է, որ անհամաչափ արձագանք կա։ Մենք ուզում ենք հուսալ, որ այստեղ ֆինանսական շահերը չեն գերակայում, այլ արժեքները կգերակայեն»,- լրագրողների հետ զրույցում ասաց ակցիայի մասնակիցներից Իրավունքի Եվրոպա միավորում ՀԿ նախագահ Լուսինե Հակոբյանը։
Նա նաև ընդգծեց, որ միջազգային կառույցները սպանող լռություն են դրսևորում, որը սպանում է մեր ժողովրդին։
«Եվ մենք ուզում ենք այս ակցիայով բեկում մտնի, և ավելի միանշանակ գնահատականներ լսենք՝ Թուրքային, թուրք-ադրբեջանական ագրեսիան դատապարտող, և Թուրքիայի նկատմամբ պատժամիջոցներ սահմանվեն»,- ասաց Հակոբյանը՝ հավելելով, որ նամակների, հայտարարությունների փաթեթ են փոխանցելու ՄԱԿ-ի գրասենյակին, որպեսզի քայլեր ձեռնարկեն։
Մանրամասները՝ տեսանյութում:
