18.11.2024 | 20:38
Նախագահ Վահագն Խաչատուրյանը շնորհավորական ուղերձ է հղել Մարոկկոյի թագավոր Մուհամմադ Վեցերորդին
Սիրիայից վարձկանների նոր խմբաքանակ է ուղարկվել ԼՂ հակամարտության գոտի․ ՌԻԱ Նովոստի
Քաղաքականություն
19.10.2020 | 12:38
Ուրբաթ Սիրիայից ավելի քան 1000 վարձկան է ուղարկվել Լեռնային Ղարաբաղի հակամարտության գոտի։ Այս մասին ՌԻԱ Նովոստիին հայտնել է տեղեկացված աղբյուրը։
«Անցյալ ուրբաթ ավելի քան 1000 գրոհային է ուղարկվել Լեռնային Ղարաբաղում կռվելու, և մոտ օրերին էլ ևս մի խմբաքանակ է պատրաստվում ուղարկվել»,- ասել է գործակալության զրուցակիցը։
Ավելի վաղ Սիրիայի նախագահ Բաշար Ասադն էր ՌԻԱ Նովսոտիի հետ հարցազրույցում ասել էր, որ Սիրիայից զինյալներ են ուղարկվում Ղարաբաղ, և որ Թուրքիան օգտագործում է Սիրիայի ու այլ երկրների ահաբեկիչներին Լեռնային Ղարաբաղում գործողությունների ժամանակ։
Անկարան կտրականապես հերքում է սա։
ՌԴ արտաքին հետախուզության ծառայության ղեկավար Սերգեյ Նարիշկինն իր հերթին ավելի վաղ նույնպես հայտնել էր, որ իրենց տվյալներով՝ Լեռնային Ղարաբաղի հակամարտության գոտի Մերձավոր Արևելքից միջազգային ահաբեկչական խմբավորումներից վարձկաններ են ուղարկվում, ընդ որում՝ խոսքը «հարյուրավոր և նույնիսկ հազարավոր ծայրահեղականների մասին է»։
Էմմա Չոբանյան
