29.04.2026 | 15:03
Ադրբեջանը կարող է որոշում ընդունել դադարեցնել համագործակցությունը Եվրախորհրդարանի հետ
Ուսանողների հացադուլը կշարունակվի նաև այսօր. հետագա քայլերի մասին ծրագիր չունեն
Հասարակություն
19.12.2017 | 10:54
Երեկ ԵՊՀ-ի ֆիզիկայի ֆակուլտետի լսարաններից մեկում հացադուլ հայտարարած «Հանուն գիտության զարգացման» նախաձեռնության անդամներ Դավիթ Պետրոսյանն ու Յուրի Ավագյանը կշարունակեն հացադուլը նաև այսօր:
Factor.am-ի հետ զրույցում Դավիթ Պետրոսյանն ասաց, որ գիշերել են լսարանում, որևէ մեկը չի փորձել իրենց այնտեղից հեռացնել: Հետագա քայլերի մասին, ուսանողները դեռևս հստակ ծրագիր չունեն, ինչպես Դավիթ Պետրոսյանն է պնդում՝ դա հիմա կախված է իրենց առաջ քաշած պահանջների իրագործումից:
Նշենք, որ այժմ ուսանողները պահանջում են, որպեսզի տարկետման իրավունքը մնա այնպես ինչպես որ կար. «Մենք ընդունում ենք, որ տարկետման այս տարբերակը հաճախ օգտագործվել է բանակից խուսափելու համար, սակայն այդ հարցը պետք է կանխարգելվի՝ կրթության և գիտության ոլորտում կոշտ փոփոխություններ անելով։ Պետք է խստացվեն այն ընթացակարգերը, որոնցով ուսանողը ընդունվում է համալսարան։ Պետք է խստացվի ընթացակարգը՝ ինչպես է տեղի ունենում բակալավրից մագիստրատուրա, մագիստրատուրայից ասպիրանտուրա ուսանողի տեղափոխությունը: Եթե ասում են կոռուպցիա կա, ապա թող գտնեն և պատժեն իրագործողներին և ոչ թե վերացնեն տարկետման իրավունքը»,- հայտարարում են ուսանողները:
Լիլիթ Շաբոյան
