16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրավիճակը շարունակում է մնալ ծանր, հակառակորդը անդադար գրոհ է իրականացնում. Հովհաննիսյան. ՏԵՍԱՆՅՈՒԹ
Քաղաքականություն
15.10.2020 | 22:35
Արցախի և Ադրբեջանի հակամարտ զորքերի շփման գծում իրավիճակը շարունակում է մնալ լարված: Այս մասին այսօր հրավիրված ասուլիսում ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:
«Այսօր վաղ առավոտյան նորից հակառակորդը նախաձեռնել է հարձակողական գործողություններ՝ երկու-երեք ուղղություններով: Ողջ օրվա ընթացքում համառ մարտեր են ընթացել, հատկապես հարավային ուղղությամբ՝ մերձարաքսյան հատվածում, որտեղ մեր զորքերը հերոսական դիմադրություն են ցույց տալիս հակառակորդին, ընթացել են ծանր մարտեր: Երկուստեք կան կորուստներ, հակառակորդին պատճառվել են զգալի թվով կորուստներ, որոշ բնագծերում հաջողվել է հետ շպրտել: Ընդհանուր առմամբ, իրավիճակը շարունակում է ծանր մնալ, մեր զորքերը հերոսական դիմադրություն են ցույց տալիս բոլոր հատվածներում: Գիշերային ժամերին տեղի են ունենում կրակի որոշակի թուլացումներ»,- ասաց Հովհաննիսյանը:
Մանրամասները՝ տեսանյութում։
