18.11.2024 | 18:32
Նախորդ շաբաթ պահպանվող հատուկ տարածք տեղափոխելով 170 մեքենա
Սերգեյ Լավրովը և Ժոզեպ Բորելը քննարկել են ԼՂ հակամարտության կարգավորումը
Քաղաքականություն
13.10.2020 | 18:51
Եվրամիության նախաձեռնությամբ Ռուսաստանի Դաշնության արտաքին գործերի նախարար Սերգեյ Լավրովի և Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի միջև հոկտեմբերի 13-ին տեղի է ունեցել հեռախոսազրույց, որի ընթացքում, ի թիվս այլ հարցերի, անդրադարձ է կատարվել Լեռնային Ղարաբաղի հակամարտության կարգավորման խնդրին. այս մասին հաղորդագրություն է տարածել ՌԴ ԱԳ նախարարությունը:
Բորելը Լավրովին ներկայացրել է հոկտեմբերի 12-ին տեղի ունեցած ԵՄ արտաքին գործերի նախարարների խորհրդի նիստի արդյունքները:
Քննարկվել են մի շարք արդիական միջազգային թեմաներ, ներառյալ Ադրբեջանի, Հայաստանի և Ռուսաստանի արտաքին գործերի նախարարների մոսկովյան հայտարարությանը համապատասխան Լեռնային Ղարաբաղի հակամարտության կարգավորման խնդիրը, Ուկրաինային և Բելառուսին վերաբերվող խնդիրներ:
