10.02.2026 | 12:45
Հայ հրաձիգները ոսկե, արծաթե և բրոնզե մեդալներով են վերադարձել պատանեկան ԵԱ-ից
Կարմիր խաչը հույս է հայտնել, որ հրադադարը ԼՂ-ում կպահպանվի. ՏԱՍՍ
Քաղաքականություն
13.10.2020 | 15:57
Կարմիր Խաչի միջազգային կոմիտեն հույս է հայտնել, որ Լեռնային Ղարաբաղի հակամարտության կողմերը կհետևեն կրակի դադարեցման ռեժիմի պահպանմանը։ Այս մասին Ժնևում ճեպազրույցի ժամանակ հայտարարել է ԿԽՄԿ Եվրասիայի տարածաշրջանի ղեկավար Մարտին Շուեպը, տեղեկացնում է ТАСС-ը։
«Մենք հույս ունենք, որ կողմերը կհետևեն հումանիտար հրադադարի պայմանավորվածությանը ու էապես կթեթևացնեն բոլոր տուժածների վիճակը»,- նշել է նա։
ԿԽՄԿ-ն պատրաստ է համագործակցել կողմերի հետ զոհերի մարմինների փոխանակման, ինչպես նաև ռազմագերիների ազատման հարցում, նշել է Շուեպը։ «Սակայն ձևաչափի վերաբերյալ կողմերը պետք է համաձայնության հասնեն։ Մենք շարունակում ենք նրանց հետ քննարկումները՝ ներկայացնելով առաջարկություններ»,- նշել է տարածաշրջանային ղեկավարը։
Նրա խոսքով՝ կողմերը պետք է համաձայնության հասնեն գործառնական և նյութատեխնիկական ապահովման հարցերի շուրջ, ինչպես նաև պայմանավորվածությունները պետք է կյանքի կոչվեն։ «Բացի այդ, մեր խմբերի անվտանգությունը պետք է երաշխավորված լինի, որպեսզի գործողությունն իրականացնենք»։
Տարածաշրջանային ղեկավարը նշել է, որ առաջիկա ամիսներին տարածաշրջանում տասնյակ հազարավոր քաղաքացիներ օգնության կարիք կունենա:․ «Այս նպատակով մենք հրատապ կոչով ենք հանդես եկել լրացուցիչ 9,2 մլն ֆրանկ (10 մլն դոլար) հատկացնելու մարդասիրական գործողությունների համար։ Մենք նաև սկսել ենք ստանալ կառավարությունների կողմից մեծ նվիրատվություններ, և մենք շատ շնորհակալ ենք այդ աջակցության համար»,- եզրափակել է նա։
Թարգմանությունը՝ Անժելա Պողոսյանի
