08.11.2024 | 18:49
Արդարադատության փոխնախարարը Մաթյո Մորիի հետ քննարկել է ՏԻՄ-երում կոռուպցիայի կանխարգելման ուղղությամբ բարեփոխումները
Բողոքի ցույցերը Բելառուսում շարունակվում են․ կա ավելի քան 600 ձերբակալված
Քաղաքականություն
12.10.2020 | 19:03
Շուրջ 600 մարդ է ձերբակալվել Բելառուսում հոկտեմբերի 11-ին գրանցված չարտոնագրված բողոքի ցույցերի ժամանակ, այս մասին հայտնել է «Գարուն» հասարակական կազմակերպությունը, հայտնում է DW-ի ռուսական ծառայությունը։ Հասարակական կազմակերպության հրապարակած ցուցակում հոկտեմբերի 12-ի դրությամբ կա 617 մարդ։
Նրանց մեծ մասին ձերբակալել են Մինսկում։ Ձերբակալություններ են եղել նաև Բրեստում, Վիտեբսկում, Մոգիլյովում և այլ բնակավայրերում։ Ձերբակալվածների թվում կա շուրջ 40 լրագրող ու լուսանկարիչ։ Նրանց մի մասին բաց են թողել փաստաթղթերի ստուգումից հետ, մյուսներն ազատ են արձակվել անցած գիշեր։
Հավելենք, որ երեկ մինչ ուշ երեկո ուժայինների ու ցուցարարների միջև տեղային բախումներ էին գրանցվել։ Ցուցարարները փակել են փողոցներ ու փորձել են բարիկադներ կառուցել։ Քաղաքի որոշ թաղամասերում լսվել են կրակոցների նմանվող ձայներ, ինչպես նաև ձայնային նռնակների պայթյունի ձայներ։
