21.05.2026 | 14:46
Հանդիպել ենք Դոնբասի և Լուգանսկի ղեկավարների հետ․ այցը եղել է հրապարակային․ Թևանյան․ ՏԵՍԱՆՅՈՒԹ
Ադրբեջանը փորձում է սադրանքի հիմքեր ստեղծել. Արծրուն Հովհաննիսյան․ ՏԵՍԱՆՅՈՒԹ
Քաղաքականություն
11.10.2020 | 22:30
Հոկտեմբերի 11-ին Ադրբեջանի զինված ուժերը, խախտելով հումանիտար հրադադարի պայմանավորվածությունը, և՛ հարավային, և՛ հյուսիսային ուղղությամբ ձեռնարկել են հարձակողական գործողություններ, որոնք կասեցվել են: Այս մասին այսօր տեղի ունեցած ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։
Անդրադառնալով Արբեջանի կողմից կիրառվող զինատեսակներին՝ ՊՆ ներկայացուցիչն ասաց, որ մենք հայտարարել ենք, որ թուրքական ռազմաօդային ուժերը շարունակում են ղեկավարել Ադրբեջանի ռազմաօդային ուժերի գործողությունները։
«Մասնավորապես, օդային ղեկավարման կետերի կառավարմամբ, թուրքական F-16 վեց միավոր կործանիչների պատսպարմամբ և ուղեկցմամբ, թուրքական ու իսրայելական արտադրության մարտական ԱԹՍ-ները հարվածներ են հասցնում Արցախի ենթակառուցվածքներին, կապուղիներին և ԶՈՒ-երին։ Այդ գործողությունները կասեցվում են ՊԲ ՀՕՊ միջոցների կողմից»,- նշեց նա։
Հովհաննիսյանի խոսքով՝ այսօր ադրբեջանական կողմի կեղծ հայտարարությունները ևս շարունակվել են, թե հայկական ԶՈՒ-երը ևս խախտում են հրադադարը և կիրառում են մեծ տրամաչափի զինատեսակներ։
«Ադրբեջանը նորից փորձում է իր հետագա գործողությունների համար սադրանքի հիմքեր ստեղծել»,- հավելեց նա։
Մանրամասները՝ տեսանյութում:
