12.10.2026 | 21:17
Հայաստանի մի շարք հասցեներում էլեկտրաէներգիայի անջատումներ կլինեն
Բացարձակ սուտ է. ՀՀ-ն ու Արցախը կտրականապես հերքում են Թերթերին հարվածելու մասին ապատեղեկատվությունը
Հասարակություն
11.10.2020 | 00:04
Հայաստանն ու Արցախը կտրականապես հերքում են Ադրբեջանի Թերթեր քաղաքին հարվածներ հասցնելու վերաբերյալ ադրբեջանական ապատեղեկատվությունը: «Արմենպրես»-ի հետ զրույցում ՀՀ Պաշտպանության նախարարի մամուլի խոսնակ Շուշան Ստեփանյանը նշել է, որ հակառակորդի այդ հայտարարությունը բացարձակ սուտ է:
«Դա բացարձակ սուտ է, և այս հաղորդագրությունից րոպեներ հետո հակառակորդը թիրախավորեց Ստեփանակերտը: Իրենց այս ապատեղեկատվությամբ ուղղակի հող են նախապատրաստել Ստեփանակերտին հերթական հարվածը հասցնելու համար»,- ասել է Շուշան Ստեփանյանը:
Արցախի նախագահի մամուլի խոսնակ Վահրամ Պողոսյանը ևս հերքել է Ադրբեջանի տարածած ապատեղեկատվությունը:
«Միանշանակ ուզում եմ նշել, որ մենք դեռևս պահպանում ենք հրադադարի վերաբերյալ ձեռք բերված պայմանավորվածությունը: Եթե համապատասխան գնահատական չտրվի (Ադրբեջանի ԶՈՒ գործողություններին, խմբ.), ՊԲ-ն ստիպված է լինելու համարժեք հարվածներ հասցնել»,- նշել է Պողոսյանը:
