02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Հայաստանի ու Ադրբեջանի ԱԳՆ ղեկավարների հանդիպումից հետո Պուտինի հետ հանդիպում չի նախատեսվում․ Պեսկով
Քաղաքականություն
09.10.2020 | 16:11
ԼՂ հակամարտության շուրջ Հայաստանի ու Ադրբեջանի ԱԳՆ ղեկավարների հանդիպումից հետո Ռուսաստանի նախագահ Վլադիմիր Պուտինի հետ հանդիպում դեռևս չի նախատեսվում, հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է ՌԻԱ Նովոստին։
«Ո՛չ, այս պահին ենթադրվում է հենց արտգործնախարարների մակարդակով աշխատանք»,- ասել է Պեսկովը՝ պատասխանելով հարցին՝ արդյո՞ք Պուտինը ծրագրում է այսօր հանդիպել Հայաստանի ու Ադրբեջանի ԱԳՆ ղեկավարների հետ։
Հիշեցնենք, որ ՌԴ նախագահ Վլադիմիր Պուտինը ԼՂ հակամարտության կողմերին ռազմական գործողությունները դադարեցնելու կոչ է արել՝ զոհերի մարմինների և գերիների փոխանակման նպատակով։ Հայաստանի ու Ադրբեջանի արտգործնախարարներն այսօր պետք է հանդիպեն Մոսկվայում։
