05.11.2026 | 21:13
ԲԴԽ նախագահն ու ԵՄ դեսպանը քննարկել են դատական համակարգի անկախության և արդյունավետության բարձրացման հարցերը
Մոսկվան ակտիվ քայլեր է ձեռնարկում ԼՂ-ում իրավիճակի կարգավորման ուղղությամբ․ Պեսկով
Քաղաքականություն
06.10.2020 | 20:11
ՌԴ ջանքերը հիմա կենտրոնացած են Լեռնային Ղարաբաղում իրավիճակի կարգավորման համար շփումների ուղղությամբ, և ավելի ակտիվ քայլեր դժվար է պատկերացնել։ ՌԻԱ Նովոստիի փոխանցմամբ՝ այս մասին հայտարարել է ՌԴ նախագահի խոսնակ Դմիտրի Պեսկովը։
«Ավելի ակտիվ քայլեր, քան այժմ է, դժվար է պատկերացնել»,- լրագրողների հետ զրույցում ասել է Պեսկովը՝ պատասխանելով հարցին՝ արդյո՞ք Ռուսաստանն ավելի ակտիվ քայլեր ձեռնարկելու է Լեռնային Ղարաբաղում իրավիճակի կարգավորման համար։
Նրա խոսքով՝ հիմա ՌԴ-ի ջանքերն ուղղված են պատերազմող կողմերին օգնելուն՝ «կրակը դադարեցնելու և կարգավորման քաղաքական-դիվանագիտական գործընթաց սկսելու» համար։
Պեսկովը նաև հավելել է, որ «Ռուսաստանն այն երկրներից է, որոնք կարող են միջնորդ լինել այդ հակամարտության կարգավորման գործում»։
