18.11.2024 | 15:33
«Արմավիր» ՔԿՀ-ի ծառայող է ձերբակալվել
Հայաստանը կարող է խոցել ադրբեջանական նավթամուղերն ու գազամուղերը․ նավթի շուկային ցնցումներ են սպասվում․ Bloomberg
Քաղաքականություն
29.09.2020 | 19:39
Մի քանի շաբաթ էր մնացել, ինչ Ադրբեջանը պետք է սկսեր գազի մատակարարումը ԵՄ, սակայն սկսվեց մի քանի տասնամյակ ձգձգվող հակամարտության սրացումը, գրում է Bloomberg-ը։
Պարբերականը գրում է, որ նավթի ու գազի շուկաները դեռ կցնցվեն այս հակամարտության հետևանքով․ չնայած COVID-19 համաճարակի պատճառով էներգիայի համաշխարհային պահանջարկը կտրուկ նվազել է, սակայն դեռևս հնարավոր է վատթարագույն սցենարի զարգացում, ինչպես, օրինակ, նավթամուղերի ու գազամուղերի ռմբակոծությունն ու դրան հաջորդող բնապահպանական աղետը։ Սովորական ժամանակներում դա կհանգեցներ նյութական վնասների ու կբարձրացներ էներգիակիրների արժեքը։
Նշվում է նաև, որ հակամարտության կենտրոնը Լեռնային Ղարաբաղի տարածաշրջանն է, որը տեսականորեն ի վիճակի է խափանել Ադրբեջանից նավթի և գազի հոսքերը, քանի որ Կասպից ծովից նավթի ու գազի խողովակաշարերն անցնում են Հայաստանի հետ սահմանից ընդամենը 10 մղոն հեռավորության վրա:
Ադրբեջանն իր նավթի գերակշիռ մասն արտահանում է Բաքու-Թբիլիսի-Ջեյհան նավթամուղով դեպի Թուրքիայի միջերկրածովյան ափի արտահանման տերմինալ: Ադրբեջանից բնական գազի արտահանումը, որն անցնում է Հարավային Կովկասով դեպի Վրաստան ու Թուրքիա, պետք է մինչև տարեվերջ հասնի ԵՄ շուկա։
Չնայած սահմանին շատ մոտ լինելու հանգամանքը նավթամուղերը դնում են մեծ ռիսկի տակ, սակայն պարբերականը շեշտում է, որ գրեթե 30 տարվա հակամարտության ընթացքում Հայաստանը երբեք չի թիրախավորել նավթամուղերը նախորդ սրացումների ժամանակ։
