26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Եզդի 2 զինվորներ վնասվածք են ստացել․ պատրաստ ենք եզդիական ջոկատով մեկնել Արցախ․ Ռուստամ Բաքոյան. ՏԵՍԱՆՅՈՒԹ
Հասարակություն
28.09.2020 | 15:07
2 եզդի զինվորներ վնասվածք են ստացել․ նրանցից մեկի վիճակը ծանր է, մյուսինը՝ միջին ծանրության։ Այս մասին այսօր ԱԺ արտահերթ նիստում հայտնեց «Իմ քայլը» խմբակցության պատգամավոր Ռուստամ Բաքոյանը՝ ընդգծելով, որ եզդի ժողովուրդը մշտապես կանգնած է հայ ժողովրդի կողքին։
Բաքոյանը նշեց, որ Ակնալճի սրբատեղիում եզդիական ջոկատ է ձևավորվել, որը պատրաստ է գնալ Արցախ՝ պաշտպանելու սահմանը։
«Մենք՝ եզդիներս, թույլ չենք տա, որ երբևէ այստեղ թշնամիներ հայտնվեն։ Մենք այս հողի համար պայքարել ենք մեր արյան գնով և հիմա էլ պատրաստ ենք պայքարելու։ Հիմա սահմանին եզդի զինվորները կանգնած են իրենց հայ զինվոր եղբայրների հետ պայքարում, կռվում են մեր ընդհանուր թշնամու դեմ։ Պետք է նշեմ, որ երեկվանից մեր եզդի եղբայրներից շատերը չեն սպասել եզդիական ջոկատի ձևավորմանը և հիմա Արցախում են»,- նշեց Բաքոյանը։
Մանրամասները՝ տեսանյութում։
