18.11.2024 | 16:36
Տեղի է ունեցել Ազգային փոքրամասնությունների հարցերով խորհրդի նիստը
Անհրաժեշտության դեպքում լինելու ենք առաջնագծում, մեր զինվորների կողքին. Լիլիթ Մակունց. ՏԵՍԱՆՅՈՒԹ
Քաղաքականություն
27.09.2020 | 18:54
Վերջին ժամանակաշրջանում Ադրբեջանի ագրեսիվ հռետորաբանությունը, լայնամասշտաբ զորավարժությունները, ԵԱՀԿ-ի կողմից առաջարկվող մշտադիտարկման մեխանիզմներից հրաժարվելը ոչ այլ ինչ են, քան ակնհայտ վկայություն այն մասին, որ այս ամենը նախապես ծրագրված հսկայածավալ սադրանք է, ինչն ուղղակիորեն վտանգում է տարածաշրջանային խաղաղությունն ու անվտանգությունը: Այս մասին այսօր ԱԺ հատուկ նիստում հայտարարեց ԱԺ «Իմ քայլը» խմբակցության ղեկավար Լիլիթ Մակունցը։
«Հուլիսյան մարտերը ՀՀ պետական սահմանին այս ամենի համատեքստում արձանագրում են, որ Ադրբեջանի համար սրանք ոչ միայն Իլհամ Ալիևի՝ բռնապետական իշխանությունը պահելու աղիողորմ ճիգեր են, այլ առաջին հերթին մի ամբողջ ժողովրդի նկատմամբ ատելության հիմքով մահաբեր ագրեսիայի կիրառում՝ էթնիկ բնաջնջման փորձով, որին մեր արձագանքը միանշանակ է․ Արցախի հարցի՝ ռազմական ճանապարհով լուծման ցանկացած փորձ հանդիպելու է ամբողջ հայ ժողովրդի կողմից համարժեք պատասխանի»,- ասաց նա:
Մակունցը նաև կոչով դիմեց կանանց ու մայրերին. «Դիմում եմ խիզախության կոչով, անհրաժեշտության դեպքում լինելու ենք մեր զինվորների կողքին առաջնագծում: Մի անգամ չէ, որ պատմության ընթացքում ցույց ենք տվել, որ տոկուն ենք մեր հայրենիքը անառիկ պահելու և հաղթանակներ գրանցելու հարցում»։
Մանրամասները՝ տեսանյութում։
