28.11.2024 | 12:01
Քոչարյանն ու մյուսները ներկայացել են դատարան, ՊՆ-ն՝ Ջերմուկի դիրքերից ԶՈՒ-ի հեռանալու մասին․ ԼՈՒՐԵՐ
Զանգվածային ցույցեր ու ձերբակալություններ ԱՄՆ-ում․ Կենտուկիում լարվածությունը գնալով աճում. ՏԵՍԱՆՅՈՒԹ
Քաղաքականություն
25.09.2020 | 18:45
ԱՄՆ Կենտուկի նահանգի Լուիսվիլ քաղաքում և երկրի մի շարք այլ քաղաքներում կրկին զանգվածային բողոքի ցույցեր են գրանցվել։ Բանն այն է, որ հանրային զայրույթն արթնացել է այն բանից հետո, երբ պարզ դարձավ, որ ոչ մի ոստիկան չի պատժվի մարտ ամսին սևամորթ Բրեոնա Թեյլորի վրա կրակելու ու նրան սպանելու համար, գրում է The Guardian-ը։
Կենտուկիում արդեն երկրորդ օրն է լարվածությունը գնալով աճում է․ հիշգաբթի երեկոյան գրանցված խաղաղ ցույցերը վերաճել են բռնության, ցուցարարների կողմից արձակված կրակոցների արդյունքում երկու ոստիկան է վիրավորվել։ Տեղի ուժայինները հանգստության կոչեր են արել, սակայն ցույցերը դեռևս շարունակվում են։
Հինգշաբթի երեկոյան ոստիկանները մի քանի ձերբակալություններ են իրականացրել, ձերբակալվածների թվում է նաև Դեմոկրատական կուսակցության ներկայացուցիչ Աթիկա Սքոթը։ «Ապօրինի ցույցերին մասնակցելու համար երեկոյան 24 մարդ է ձերբակալվել»,- հայտնել են Լուիսվիլի ոստիկանությունից։
Նշվում է, որ ցույցեր են տեղի ունեցել նաև Նյու Յորքում, Ֆիլադելֆիայում, Սենթ Լուիսում, Բալթիմորում և այլ քաղաքներում։
Մանրամասները՝ տեսանյութում:
