15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Արծվիկ Մինասյանը դժվարացավ ասել՝ ԲՀԿ-ն ընտրակաշառք բաժանե՞լ է, թե՝ ոչ. ՏԵՍԱՆՅՈՒԹ
Քաղաքականություն
25.09.2020 | 10:33
Կատարվող գործընթացներն իրական արդարադատության հետ կապ չունեն, որովհետև երբ խոսում ենք արդարադատության մասին, դա գնահատում ենք ընտրողաբար իրականացվող արդարադատություն: Այս մասին այսօր Երևան քաղաքի ընդհանուր իրավասության դատարանի Կենտրոնի նստավայրի մոտ, որտեղ քննվում է ԲՀԿ առաջնորդ Գագիկ Ծառուկյանին կալանավորելու վերաբերյալ ԱԱԾ-ի միջնորդությունը, լրագրողների հետ զրույցում ասաց ՀՅԴ անդամ Արծվիկ Մինասյանը։
«Մյուս կողմից՝ որևէ ողջամիտ բացատրություն չկա, թե ինչու հարուցված քրեական գործը չի կարող իրականացվել՝ առանց անձին ազատությունից զրկելու գործողության։ Ակնհայտ է, որ հատկապես ներկա իշխանության գործողություններում քաղաքական երանգավորմամբ իրականացվող քրեական գործերը բացահայտ են։ Ոչ թե իրավունքի գերակայությամբ արդարադատություն է, այլ բացառապես իշխանության կամքով և քաղաքական հակառակորդների դեմ ուղղված գործողություն»,- ասաց Մինասյանը։
Նա նաև ընդգծեց, որ իրենք ոչ թե դեմ են արդարադատությանը, այլ կարծում են, որ այն պետք է իրականացվի իսկապես իրավունքի գերակայության և օրենքի առաջնորդության սկզբունքներով, ոչ թե ըստ ցանկության, ըստ իրավիճակի, առավել ևս, երբ չկան համակարգային հիմքեր։
Անդրադառնալով հոկտեմբերի 8-ի հանրահավաքին՝ Արծվիկ Մինասյանը նշեց, որ Ծառուկյանի շուրջ տեղի ունեցող գործընթացները կապ չունեն այդ հանրահավաքի հետ, քանի որ հանրահավաքն ավելի վաղ էր նախատեսվում:
Հարցին՝ Ծառուկյանն ընտրակաշառք բաժանե՞լ է, Մինասյանը նշեց, որ դժվարանում է պատասխանել. «Մենք բազմիցս նախկինում հայտարարություններ արել ենք ու որակել ենք ընտրակաշառքը և ընտրողների ձայները կեղծելը զանգվածային հանցագործություն, որի թիվ մեկ պատասխանատուն գործող իշխանությունն է։ Իշխանությունը պետք է բացառի դա ու կանխի, չկանխելու դեպքում՝ պատժի, թույլ չտալու համար հետագայում նմանատիպ հանցագործություններ»։
Մանրամասները՝ տեսանյութում:
