02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Նավալնին դուրս է գրվել հիվանդանոցից
Քաղաքականություն
23.09.2020 | 12:01
Բեռլինյան «Շարիտե»-ից հայտնել են, որ ռուսաստանցի ընդդիմադիր Ալեքսեյ Նավալնին դուրս է գրվել կլինիկայից։ Ընդհանուր առմամբ, նա գերմանական հիվանդանոցում 32 օր է անցկացրել, գրում է BBC-ի ռուսական ծառայությունը։
Կլինիկայի հրապարակած հաղորդագրությունում նշվում է, որ Նավալնու առողջական վիճակը բարելավվել է այնքան, որ բժիշկները հնարավոր են համարել նրան դուրսգրումը։ Միաժամանակ նշվում է, որ մասնագետները թեև հնարավոր են համարում գործչի լիարժեք ապաքինումը, սակայն չեն բացառում, որ թունավորման հետևանքները դեռևս կարող են ի հայտ գալ։
Ալեքսեյ Նավալնու ինքնազգացողությունը վատացել է օգոստոսի 20-ին օդանավում, Տոմսկից Մոսկվա ուղևորվելիս։ Օդանավն արտակարգ վայրէջք է կատարել Օմսկում, որտեղ Նավալնուն հոսպիտալացրել են։ Նրա հարազատները հայտարարել են, որ Նավալնուն, ամենայն հավանականությամբ, թունավորել են, սակայն Օմսկի բժիշկները հայտարարել են, որ գործչի մոտ թունավորման նախանշաններ չեն հայտնաբերել։
Մի քանի օր անց Նավալնուն բուժման նպատակով Գերմանիա են տեղափոխել։ Բեռլինի «Շարիտե» կլինիկայի մասնագետները հայտարարել են, որ իսկապես թունավորման նշաններ կան։
Ավելի ուշ Գերմանիայի կառավարությունը պաշտոնապես հաղորդեց, որ բունդեսվերի լաբորատորիան Նավալնու անալիզում «Նովիչոկ»-ի հետքեր է հայտնաբերել։ Ավելի ուշ սա հաստատել են նաև Ֆրանսիան և Շվեդիան, որոնք սեփական հետազոտությունն են անցկացրել։
