18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Երկրապահի մասին մոռացեք, չի՛ փոխվելու. Սասուն Միքայելյանն՝ աշխարհազորի մասին. ՏԵՍԱՆՅՈՒԹ
Քաղաքականություն
21.09.2020 | 12:12
29 տարի առաջ այս օրը հիմք դրվեց մեր անկախության և պաշտպանվեց այդ ամենը «Եռաբլուր»-ով: Եվ եթե չլիներ այս համախմբվածությունը, Արցախյան ազատամարտը, այսօր մենք չէինք ունենա պետություն, անկախություն: Այս մասին այսօր «Եռաբլուր» պանթեոնում լրագրողների հետ զրույցում ասաց ԵԿՄ նախագահ, «Իմ քայլը» խմբակցության պատգամավոր Սասուն Միքայելյանը:
Նա նաև ընդգծեց, որ ազատամարտիկը, երկրապահը միշտ պետք է լինեն բանակի կողքին՝ որպես ռեզերվ:
Հարցին՝ արդյո՞ք աշխարհազորի ստեղծման անհրաժեշտություն կա, և արդյո՞ք դրա արդյունքում ԵԿՄ-ն կմղվի երկրորդ պլան, Սասուն Միքայելյանը պատասխանեց. «Երկրորդ, երրորդ պլան պատերազմում չկա, պատերազմում կա առաջին գիծ: Պատերազմում հաղթում են ընդհանուր: Աշխարհազորը երկրապահի հետ ընդհանրապես կապ չունի: Աշխարհազորը պետք է լինի լուրջ կառույց, իսկ ԵԿՄ-ն ձևավորվել է աշխարհազորի հիման վրա`1990-ականներին`Վազգեն Սարգսյանի գլխավորությամբ»:
Սասուն Միքայելյանը վստահեցրեց, որ աշխարհազորը երբեք չի խանգարի ԵԿՄ-ին, ԵԿՄ-ն էլ`աշխարհազորին:
«Ես կողմ եմ աշխարհազորի ձևավորմանը, բայց մեծ քանակությամբ… Բայց թող մոռանան, որ ԵԿՄ-ի անունը կփոխվի, որովհետև դա ստեղծել է Վազգեն Սարգսյանը, դա անջնջելի է»,- ասաց Միքայելյանը՝ միաժամանակ չբացառելով, որ հետագայում ԵԿՄ-ն կարող է լինել աշխարհազորին կից:
Մանրամասները՝ տեսանյութում:
