27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Բուքմեյքերական գրասենյակների ու խաղատների համար նոր սահմանափակումներ են սահմանվել. ՏԵՍԱՆՅՈՒԹ
Հասարակություն
17.09.2020 | 12:02
Կառավարության այսօրվա նիստում, ի թիվս այլ հարցերի, քննարկվեց նաև վիճակախաղի կամ անմիջականորեն տոտալիզատորի յուրաքանչյուր կազմակերպչի բուքմեյքերական գրասենյակի կամ անմիջականորեն (խաղասրահի միջոցով) տոտալիզատորի կազմակերպման գործունեության իրականացման վայրի՝ կրթական և պատմամշակութային օջախներից, պետական և տեղական ինքնակառավարման մարմինների վարչական շենքերից, հիվանդանոցներից հեռավորությունը և չափանիշները հաստատելու մասին հարցը:
Բուքմեյքերական գրասենյակների ու խաղատների համար նախատեսվում է նոր սահմանափակումներ սահմանել:
«Պատգամավորների և ԱԺ ջանքերով դեռևս անցյալ տարի փոփոխություններ են կատարվել խաղային բնագավառի կարգավորումներում՝ նպատակ հետապնդելով մոլախաղերով հրապուրվելու վտանգներից զերծ պահել հասարակության հատկապես խոցելի սոցիալական խավը ներկայացնողներին: Այս նոր նախագիծը վերաբերում է սահմանափակումներին, հաշվի են առնվել թե՛ միջազգային փորձը, թե՛ մեր երկրի առանձնահատկությունները, հավասարակշռված լուծումներ են առաջարկվում»,- նշեց ՀՀ ֆինանսների նախարար Ատոմ Ջանջուղազյանը՝ հորդորելով հաստատել նախագիծը:
Մանրամասները՝ տեսանյութում:
