06.05.2024 | 17:06
Գերմանիան խորհրդակցությունների համար ՌԴ-ից հետ է կանչել իր դեսպանին
Մենք Արսեն Ջուլֆալակյանի հետ անցած ամիսներին ունեցել ենք զրո քննարկում․ Արայիկ Հարությունյան. ՏԵՍԱՆՅՈՒԹ
Քաղաքականություն
16.09.2020 | 10:45
Պատգամավոր Արսեն Ջուլֆալակյանի՝ մանդատը վայր դնելու հետ կապված գործընթացը չի ավարտվել, և ես այս պահին զերծ կմնամ այդ հարցի մասին խոսելուց, գուցե դրան կանդրադառնամ հաջորդող օրերին: Այս մասին այսօր հրավիրված մամուլի ասուլիում ասաց ԿԳՄՍ նախարար Արայիկ Հարությունյանը՝ անդրադառնալով «Իմ քայլը» խմբակցության պատգամավոր Արսեն Ջուլֆալակյանի՝ մանդատը վայր դնելու որոշմանը և հայտարարությանը, թե այդ քայլին դիմում է ԿԳՄՍ նախարարի հետ ունեցած անհամաձայնությունների պատճառով:
«Անցած ամիսներին մենք Արսեն Ջուլֆալակյանի հետ ունեցել ենք զրո քննարկում: Արսեն Ջուլֆալակյանը կարող էր այդ հարցերը բարձրացնել, և մենք, հնարավոր է, կոնկրետ քննադատության մի մասն ընդունեինք և շտկումներ անեինք, մի մասի հետ կապված էլ բացատրեինք, որ իր ընկալումներում և դիրքորոշումներում առկա փաստերը չեն համապատասխանում իրականությանը: Մենք նման քննարկում չենք ունեցել, այդ հարցերը չեն բարձրացվել ինձ հետ քննարկումներում»,- նշեց նախարարը:
Արայիկ Հարությունյանը հավաստիացրեց, որ խմբակցությունում հանդիպում է ունեցել մոտավորապես 1 կամ 1․5 ամիս առաջ, և այդ հարցերը չեն բարձրացվել:
«Ես հիմա այդ ընդհանրական հայտարարությանը չեմ ցանկանա անդրադառնալ: Եթե լիներ նման քննարկում, լիներ կոնկրետացում, անպայման այդ հարցադրումներին կլինեին պատասխաններ: Նույն խմբակցության հետ քննարկման ժամանակ եղել են հարցադրումներ, որոնք եղել են օբյեկտիվ, ընկալելի, և դրանք անպայման արտացոլվել են մեր գործունեության մեջ: Այդ առումով քննարկում չի եղել, և ես ընդհանրական դիրքորոշումներին չեմ պատասխանի»,- ասաց նախարարը:
Մանրամասները՝ տեսանյութում:
