Քաղաքականություն
15.09.2020 | 11:40Կա ընդդիմադիր պատգամավոր, որն ամենօրյա ռեժիմով ասում է՝ մի՛ կրեք դիմակներ։ Այսօր ԱԺ նիստում դիմելով «Լուսավոր Հայաստան» խմբակցության ղեկավար Էդմոն Մարուքյանին՝ ասաց «Իմ քայլը» խմբակցության պատգամավոր Սիսակ Գաբրիելյանը՝ անդրադառնալով նրա այն խոսքին, թե չի հիշում ընդդիմադիր որևէ պատգամավորի, որն ասած լինի՝ խորհրդարանում չպետք է դիմակ կրել:
Սիսակ Գաբրիելյանը նաև հորդորեց հստակ նշել, թե հիմնականում ինչ հարցերի պետք է պատասխանի հանձնաժողովը՝ ֆինանսական բաղադրի՞չն է ուսումնասիրվելու, թե՞ առողջապահական:
Էդմոն Մարուքյանը պատասխանեց, որ երբ հանձնաժաղովը կազմավորվի, կորոշի, թե ինչ հարցեր են ուսումնասիրելու. «Խոսքը նոր կորոնավիրուսի տարածումը կանխելու և այդ վիրուսի դեմ պայքարի ուղղությամբ ՀՀ Կառավարության և պարետատան իրականացրած միջոցառումների արդյունավետության, ինչպես նաև արտակարգ դրության ժամանակահատվածում մարդու իրավունքների և հիմնարար ազատությունների սահմանափակումների արդյունավետությունն ուսումնասիրելու մասին է»:
Մանրամասները՝ տեսանյութում:
