18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մեր թիվ 1 խնդիրը դատավորների հաստիքների քիչ քանակն է․ ՍԴ դատավորի թեկնածու. ՏԵՍԱՆՅՈՒԹ
Քաղաքականություն
14.09.2020 | 12:00
ԱԺ-ն քննարկում է ՍԴ դատավորի ընտրության հարցը: ՍԴ թեկնածու Երվանդ Խունդկարյանին խորհրդարանում ներկայացրեց Վճռաբեկ դատարանի քրեական գործերով պալատի նախագահ Լիլիթ Թադևոսյանը։ Դրանից հետո պատգամավորներին իր տեսլականները ներկայացրեց Խունդկարյանը, ապա պատգամավորները հարցեր ուղղեցին նրան:
ԱԺ «Իմ քայլը խմբակցության պատգամավոր Բաբկեն Թունյանը, դիմելով Երվանդ Խունդկարյանին, նշեց. «Դատական համակարգը տնտեսության վրա ազդող ամենակարևոր գործոններից մեկն է: Միշտ հնչել են կարծիքներ, որ Հայաստանում վերջին տարիներին տնտեսական զարգացմանը խանգարող գործոններից մեկը եղել է դատական համակարգը: Որքանո՞վ են այդ թեզերը հիմնավոր, որքանո՞վ է դատական համակարգը խանգարել տնտեսության զարգացմանը և ո՞րն է եղել պատճառը, որ չենք ունեցել ավելի լավ դատական համակարգ»:
Երվանդ Խունդկարյանն ասաց՝ դատարանների դերն իսկապես մեծ է հասարակության կյանքի շատ ոլորտներում, այդ թվում՝ ազատորեն տնտեսական գործունեություն իրականացնելու տեսանկյունից, և կարծիք հայտնեց, որ թիվ 1 խնդիրը դատավորների հաստիքների քիչ քանակն է:
«Ուշացված արդարադատությունը համարժեք է մերժված արդարադատությանը, բայց պետք է հասկանանք՝ որոնք են օբյեկտիվ հիմքերը… Դատավորների քանակը չի բավարարում այն գործերի ծավալին, ինչպիսին ունենք այսօր: Դատավորների ծանրաբեռնվածությունը պետք է լինի այնպիսին, որ արդյունքում չտուժի գործերի ողջամիտ ժամկետում քննության անձի իրավունքը»,- ասաց Երվանդ Խունդկարյանը:
Մանրամասները՝ տեսանյութում:
