18.12.2025 | 16:16
Նախարարի հրամանով ԶՈՒ ողջ անձնակազմը պարգևավճար կստանա. ՊՆ
Ինչո՞ւ ՍԴ դատավորների հետ հանդիպում չի կազմակերպվել․ գնալով ավելի վատ է լինում․ Մարուքյանը՝ Միրզոյանին. ՏԵՍԱՆՅՈՒԹ
Քաղաքականություն
14.09.2020 | 10:39
Ազգային ժողովում այսօր՝ սեպտեմբերի 14-ին քննարկվում է ՍԴ դատավորների թեկնածուների ընտրության հարցը: «Լուսավոր Հայաստան» խմբակցության ղեկավար Էդմոն Մարուքյանը, դիմելով ԱԺ նախագահ Արարատ Միրզոյանին, հարցրեց, թե ինչո՞ւ ՍԴ դատավորի թեկնածուների հանդիպումներ չեն կազմակերպվել ԱԺ խմբակցությունների հետ:
«Նախկինում նման հանդիպումներ միշտ կազմակերպում էին: Ես միշտ մտածում էի, որ գնալով ավելի լավ կլինի, բայց ոնց որ գնալով ավելի վատ է լինում: Սովորաբար խմբակցությունները հանդիպում են թեկնածուի հետ՝ թեկնածու կամ առաջադրող մարմնի նախաձեռնությամբ: ԱԺ նախագահին դիմե՞լ են նման բան կազմակերպելու համար»,- ասաց Էդմոն Մարուքյանը:
ԱԺ նախագահ Արարատ Միրզոյանը հակադարձեց՝ նշելով. «Ես տրամագծորեն հակառակ կարծիքն ունեմ, թե գնալով ամեն ինչ վատանում է: Ըստ իս՝ գնալով ամեն ինչ լավանում է, հատկապես՝ թեկնածուների, թափանցիկության, խմբակցությունների հետ քննարկումների առումով: Ինչ վերաբերում է կոնկրետ հարցին, ապա ո՛չ խմբակցությունների կողմից, ո՛չ թեկնածուների կողմից այդպիսի նախաձեռնություն չի եղել: Ցանկացած նախաձեռնության դեպքում ԱԺ նախագահն ու աշխատակազմը պատշաճ պայմաններ կապահովեին այդպիսի հանդիպման համար: Որևէ իմպերատիվ ընթացակարգ չկա սահմանված այդպիսի հանդիպում կազմակերպելու»:
Մանրամասները՝ տեսանյութում:
