21.04.2026 | 12:06
«Ներքին կարգով եք մրցույթ անում», «Խնդրում եմ լռեք և լսեք». Զարոկյանն ու Ավինյանը բանավիճեցին․ ՏԵՍԱՆՅՈՒԹ
Հայրության արձակուրդից օգտվելու համար արդեն իսկ շատ քաղաքացիներ են դիմել․ ե՞րբ ուժի մեջ կմտնի օրենքը. ՏԵՍԱՆՅՈՒԹ
Հասարակություն
09.09.2020 | 13:50
ԱԺ առողջապահության և սոցիալական հարցերի մշտական հանձնաժողովը հավանություն տվեց օրենքի նախագծին, որով հայրության արձակուրդի հնարավորություն է տրվում:
«Իմ քայլը» խմբակցության պատգամավորներ Ծովինար Վարդանյանի, Սոնա Ղազարյանի, Լուսինե Բադալյանի, Արմեն Փամբուխչյանի և Նարեկ Զեյնալյանի հեղինակած՝ ՀՀ աշխատանքային օրենսգրքում լրացումներ և փոփոխություն կատարելու մասին նախագիծը հանձնաժողովի նիստում ներկայացրեց Ծովինար Վարդանյանը:
Նախագծով ամրագրվում է, որ մինչև 1 տարեկան երեխային փաստացի խնամողի աշխատանքի էական պայմանները չեն կարող փոխվել նվազ բարենպաստ պայմանների՝ բացառությամբ պաշտոնի անվանման և/կամ տարակարգերի: Նախագծով նաև սահմանվում է հայրության արձակուրդը:
«Երեխայի ծնվելու օրվանից հետո 30 օրվա ընթացքում, նորածնի հոր ցանկությամբ, տրամադրվում է 5 աշխատանքային օր տևողությամբ վճարովի արձակուրդ, որի յուրաքանչյուր օրվա համար վճարվում է աշխատողի միջին օրական աշխատավարձի չափով»,- նշեց Ծովինար Վարդանյանը՝ հավելելով, որ օրենքի նախագիծն առաջին ընթերցմամբ արդեն ընդունվել է ԱԺ լիագումար նիստում, և հայրության արձակուրդից օգտվելու համար արդեն իսկ շատ քաղաքացիներ են դիմել:
Օրենքի նախագիծն ընդունվելու դեպքում այս դրույթն ուժի մեջ կմտնի 2021 թվականի հունվարի 1-ից:
Մանրամասները՝ տեսանյութում:
