Արմեն Ռուստամյանի խոսքով՝ Կարեն Կարապետյանը կկարողանա փոխարինել Սերժ Սարգսյանին

Ըստ այդ հարցումների տվյալների՝ հարցվածների 26.7 տոկոսը դրական է գնահատում ՀՀ նախագահի աշխատանքը, 26.2 տոկոսը՝ ՀՀ վարչապետ Կարեն Կարապետյանի: Հարցումներից նաև պարզ է դարձել, որ Կարապետյանի վարկանիշը 85 տոկոսից նվազել է՝ հասնելով 57-ի:

Factor.am-ի դիտարկմանը, որ գուցե այսկերպ հող են նախապատրաստում՝ 2018 թվականին Սերժ Սարգսյանի՝ կառավարության ղեկավարի պաշտոնը ստանձնելու համար, Ռուստամյանը չհամաձայնեց. «Որևէ հող նախապատրաստելու խնդիր չեմ տեսնում, ի՞նչ է հարցումներով են հող նախապատրաստում: Հող նախապատրաստում են գործողություններով, որոնք իրենց տրամաբանությամբ ընթանում են»:

Արմեն Ռուստամյանը կարծում է, որ վարչապետի վարկանիշը ոչ թե իջել է, այլև ճիշտ հակառակը՝ կառավարությունը լուրջ արդյունքներ է ցույց տալիս: «Հանրային ընկալմամբ կարող է դա չերևալ, որովհետև տեմպերը գոհացուցիչ չեն, իսկ փոփոխությունների ուղղությունը ճիշտ է ընտրված և պետք է տեմպերն ավելացվեն»,- նշեց Արմեն Ռուստամյանը:

Factor.am-ի հարցին՝ կա՞ Հանրապետականի շարքերում անձ, որը կփոխարինի Սերժ Սարգսյանին՝ մասնավորապես արտաքին քաղաքականության հարցում, Ռուստամյանը պատասխանեց. «Անփոխարինելի մարդիկ չկան, իսկ արտաքին քաղաքականությունը, բնականաբար, պետք է ավելի նոր որակով և մակարդակով իրացվի, խորհրդարանական համակարգը ենթադրում է թիմային աշխատանքը»:

Մեր հաջորդ հարցին՝ Կարեն Կարապետյանը կկարողանա՞ փոխարինել Սերժ Սարգսյանին, Ռուստամյանը պատասխանեց. «Ինչո՞ւ չէ, Կարեն Կարապետյանը ցույց է տվել, որ չի՞ կարող, իհարկե, կարող է»:

Մանրամասները՝ տեսանյութում:

Շողիկ Գալստյան