08.11.2024 | 16:28
Հայտնի են Թրամփի վարչակազմում առանցքային պաշտոնների հիմնական թեկնածուները․ Politico
Բելառուսի փողոցներում շարունակվում են բռնություններն ընդդեմ ցուցարարների
Քաղաքականություն
06.09.2020 | 13:52
Բելառուսի անվտանգության ծառայության աշխատակիցները երկրի նախագահ Ալեքսանդր Լուկաշենկոյի դեմ անցկացվող ցույցերի մասնակիցներին ուժի կիրառմամբ տեղափոխել են ոստիկանության ավտոմեքենաներ: Լուկաշենկոյի հրաժարականը պահանջոց ցույցերն այստեղ շարունակվում են արդեն չորրորդ շաբաթը: Դիմակավորված անվտանգության ուժերը շաբաթ օրը ձերբակալել են ավելի քան երեսուն ցուցարարների. փոխոնցում է VOA-ն:
Ընդդիմության կարմիր-սպիտակ դրոշներ կրող ուսանողները ցույցերը մայրաքաղաք Մինսկում անցկացնում էին մի քանի վայրերում միաժամանակ: Գրանցվել են դեպքեր, երբ Կարլ Մարքսի անվան փողոցում գտնվող սրճարաններից ուսանողներին բռնությամբ տարել են դիմակավորված անձինք: Ուսանողներն այս ցույցերի ժամանակ վանկարկում էին «ռազմական դատարան» կոչը:
Հազարավոր կանայք էլ ավելի ուշ երթ են սկսել Մինսկի փողոցներում` վանկարկելով «ձեռքերդ հեռու մեր երեխաներից» բառերը:
Բելառուսը 26 տարի ղեկավարած Լուկաշենկոն` կոլտնտեսային ֆերմայի նախկին նախագահն արդեն մի քանի շաբաթ չի կարողանում մարել նախագահական ընտրություններից հետո բռնկված դժգոհության ալիքը: Ցուցարարները պնդում են, որ ընտրությունների արդյունքը կեղծվել է եւ հայտարարում են, որ ուզում են փոփոխություն իրենց հայրենիքում:
