20.05.2026 | 22:24
Շոյգուն հայտարարել է, թե ՀՀ ղեկավարության գործողությունները «չեն համապատասխանում ՌԴ-ի հետ դաշնակցային հարաբերությունների ոգուն»
Նախընտրական մի քանի արշավից պարզ կլինի, թե արդյոք Սենատում հանրապետականները կպահե՞ն իրենց մեծամասնությունը
Քաղաքականություն
05.09.2020 | 18:26
ԱՄՆ Հանրապետական կուսակցության համագումարը Շարլոտում ավարտվել է, Հյուսիսային Կարոլինայում, սակայն, քաղաքական պայքարը չի դադարել. գրում է Ամերիկայի ձայնը:
Նահանգի դեմոկրատ սենատոր Քալ Քանինգհեմը ջանում է առաջ անցնել հանրապետական սենատորներից:
Իր գյուղական, քաղաքային և արվարձանային շրջաններով Հյուսիսային Կարոլինան ԱՄՆ ժողովրդի քաղաքական տրամադրության իդեալական ցուցիչ է:
Վերլուծաբան Մայքլ Բիցերի խոսքով՝ Հյուսիսային Կարոլինայում ընտրողների այդ զանգվածն է, որը կարող է մի կողմից մյուսը շրջվել: Եվ դա իսկապես նահանգը դարձնում է է՛լ ավելի մրցակցային:
Հարցումները ցույց են տալիս, որ այնտեղ դեմոկրատ Քանինգհեմը հանրապետական Թիլիսիի նկատմամբ 5 տոկոսով առավելություն ունի: Նախագահ Թրամփը առանցքային դեր է խաղում նրանց մրցավազքում:
Մայքլ Բիցերը կարծում է, որ կորոնավիրուսից հետո հանրապետականներին սատարելու դինամիկան ՀյուսիսայինԿարոլինայում նվազում է մասնավորապես Սենատի համար պայքարում:
Կորոնավիրուսն առանցքային խնդիր է նաև Այովա նահանգում, որտեղ հանրապետական սենատոր Ջոնի Էրնստը թեժ բանավեճերի մեջ է դեմոկրատական մրցակից Թերեզա Գրինֆիլդի հետ:
«Մենք այնպիսի ճգնաժամի մեջ ենք, ինչպիսին երբեք չի եղել»,- կարծում է Գրինֆիլդը:
Ջորջ Վաշինգտոն համալսարանի վերլուծաբան Թեյսի Բուրքաթի կարծիքով՝ առաջիկա ընտրությունները ցույց կտան, թե ինչպես են ամերիկացիները գնահատում նախագահ Թրամփի գործելաոճը կորոնավիրուսի դեմ պայքարում: Ըստ նրա՝ ամեն ինչ տանում է ընտրություններին մասնակցության նվազմանը, հատկապես այն վայրերում, որտեղ 2016-ին հաղթել է Թրամփը:
Դեմոկրատները հույս ունեն նաև տեղեր նվաճել Կոլորադոյում և Արիզոնայում. Բայդենի հաղթանակի դեպքում նրանք կստանան երեք տեղ, Թրամփի հաղթանակի դեմքում՝ չորս:
