08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Եթե քաղաքացին դիմակ չի կրում 1 օր, տնտեսությանը ահռելի վնաս է հասցնում․ Թունյան. ՏԵՍԱՆՅՈՒԹ
Տնտեսություն
04.09.2020 | 12:26
ԱՄՆ-ում յուրաքանչյուր մարդու 1 օրվա դիմակ չկրելու տնտեսական արժեքը կազմում է 56 դոլար։ Այս մասին այսօր ԱԺ արտահերթ նիստում ասաց «Իմ քայլը» խմբակցության պատգամավոր Բաբկեն Թունյանը՝ մեջբերելով Economist պարբերականի հոդվածում նշված տվյալները։
«Այսինքն՝ եթե մարդը դիմակ չի կրում 1 օր, տնտեսությանը պատճառում է 100-150 անգամ ավելի մեծ վնաս, քան այդ դիմակը կրելու արժեքն է։ Հիմա այս նույն տրամաբանությամբ, իհարկե, թվերը մի քիչ տարբերվում են, բայց կարող ենք մեզ մոտ էլ տեղափոխել։ Եթե ամեն քաղաքացի իր դիմակ չկրելով մեր տնտեսությանը պատճառելու է 30, 40, 50 հազար դրամի վնաս, ես փողի մասին եմ խոսում, որովհետև փողի մասին էիք խոսում, արդյո՞ք այդ դեպքում արդարացված չէ 10 հազար դրամի տուգանք սահմանելը դիմակ չդնելու համար»,- մասնավորապես նշեց պատգամավորը։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
